تعالوا يابنات وشوفوا الأخت سندريلا مصريه

حبيباتي اولا وقبل كل شي يعلم الله اني مابيني وبين التاجره اي علاقه بس زي ماكتير هنا في المنتدى لما يشتري بضاعه من احدى التاجرات ويلاقيها مو كويسه او مو نفس الوصف او 00 او 00
فينزل في المنتدى ويذم في التاجره او يشتكي منها
لكن انا لقيت البضاعه احلى كتير من وصفها ولقيت تعاملها زي العسل فحبيت اشكرها اولا من اعماق قلبي وابلغكم يابنات ان لا تفوتكم الفرصه والله العظيم ان بضاعتها رائعه جدا
انا لقيت موضوعوها اللي تبيع في عبايات المروحه او كما نسميها نحن في السعوديه شراشف الصلاه
وطلبت منها عدد عشره شراشف ما اكذب عليكم كنت في الأول خايفه ان القماش يكون اي كلام او من النوع اللي يكش في الغسيل
بس الحمد لله لما وصلتني لقيت قماشها روووووعه والأروع موديلها غريب
وكمان سعرها جدا رائع ( طبعا هي خفضتلي من القيمه لأني اخدت عشره ) وانا هنا في السعوديه لقيت اسوأ من دا القماش ومايقل السعر عن 120 او 140
دا كل ماعندي ويعلم الله اني ماكذبت عليكم وهدا اقل شكر اقدمه لأختي سندريلا مصريه