عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخيرات ياحلوات 😆 وش اخباركم انشاء الله بخير وصحه
بقولكم سالفتي على طول من غير مقدمات
سلمكم الله امس رحت لمشغل لبنى (الكل اكيد يعرفه) رايحه ابي اقص واصبغ ➡
قصيت شعري (قصة فكتوريا)مره اعجبتني والكوافيره ضبطتها لي 😳
المهم بعدين رحت بصبغ اول ماشافت الكوافيره شعري قالتلي اللون اللي تبينه مايطلع لاني صابغته بني (قبل 9شهور اول ماطلعت من النفاس)وانا ابي اصبغ واخصل ثلجي
تدرون وش قالت؟؟؟؟ قالت روحي قصري شعرك اكثر عشان باقي اطرافه فيه اسود وبتطلع اطراف الخصل برتقالي وووووووووورضيت بالامر الواقع ورحت خربت قصتي ➡ اللي خقيييت عليها وقصرته ورجعت عندها وصبغتلي بس الصددددمه ان اطراف شعري ماقبل فيها اللون وصايره على اسود شوي يعني خربت شعري انا بصراحه انصدمت لما شفت اللون
توقعوا وش قالتلي لما شافت شعري؟؟؟؟؟؟
قالت روحي قصري شعرك اكثر عشان يروح الاسود اللي بالاطراف والمصيبه انها قالتلي قصيه
(بووووووي)بكل بسااااطه تبيني اقص بوي
وطبعا رفضت وبقوه وتفكرونها تأسفت وقالت حقك علي بالعكس قالت انتي اصلن ماقصيتي شعرك للحد اللي انا قلتلك عليه(طيب انتي شايفه شعري قبل مااصبغ ليش ماتكلمتي؟؟؟؟)
بالاخير بعد المناقشات الطويله عطتني 3حلول:
الاول: قلتلكم انها قالت قصيه بوي
الثاني: قالت ارجع اصبغه لك بني غامق عشان يتوحد اللون
الثالث: قالت روحي لبيتكم وارجعيلي بعد شهر يكون شعرك طال شوي ونقص اطرافه ونصبغ من جديد
بالله عليكم لو وحده منكم مكاني وش بتسوي؟؟؟؟؟
وكل الحلول انا رافضتها مدري وش اسوي بالاخير رحت للبيت وانا شعري كذا
القهر فالموضوع انها خربت علي قصتي ولاطلعت اللون اللي انا ابيه وفوووووق هذا كله( شين وقوي عين) تهاوش وتنافخ علي 💡
والله مااقول الاحسبي الله ونعم الوكيل عليها 😥
اسفه على الاطاله بس وش اسوي من القهر اللي فيني
