تعالووو شووفووو ياحلوات

السلام عليكم ورحمة الله وبركاته

كيفكم يااا امورات ان شاءالله طيبات

امممم

سبحان الله كل شى في هالدنيا مقدر ومكتوب مهما نحزن ونتضايق ونتألم لابد بعدها بأذن الله يجي الفرج

الله رحمن رحيم سبحانه وهو ارحم بنا من الام بطفلها

ومااحد فينا يدري وين الخيره ماعلينا سوى ان قوم بواجباتنا وفروضنا وماامرنا الله به ونتوكل على الله ونرضى بما قدره لنا الله

وان نعمل بالاسباب وبأذن الله كل امورنا طيبه

اسأل الله العظيم الكريم الرحيم ان يفرج عني وعن كل مهمومه ومتضايقه وحزينه

والله يرزق كل وحده بالي تتمناه

” تبسم “
فإن .. الله ..
ما أشقاك إلا ليسعدك ..
وما أخذ منك إلا ليعطيك ..
وما أبكاك إلا ليضحكك ..
وما حرمك إلا ليتفضل عليك ..
وما ابتلاك .. إلا لأنه ..
” أحبك ” ..
جعلك الرحمن ممن ينادى في الملأ ..
أني أحب فلان فأحبوه

وادعولي ان الله يرزقني بالذريه الصالحه

نبدا بموضوعنا

الهرجه ومافيها اني شفت هالموضوع بأحد المنتديات

من وحده جزاها الله عنا كل خير

الي هو حفظ سورة البقره وال عمران وان شاءالله القران كلوو

وكانت الطريقه سهله وميسره وانا ولله الحمد بديت فيها وحبيتكم تشاركوني

الي هيه ان كل يوم نحفظ ثلاث ايات فقط ونشوف تفسيرها

حسيت ان الفكره مرره حلووه وسهله للجميع حتى وانتي جالسه على النت افتحي

هذا الرابط سورة البقرة – سورة 2 – عدد آياتها 286

واحفظي الثلاثه ايات وكرريها وانتي جالسه على الجهاز

والله مرره تحسي بوناسه وتحسي انك ان شاءالله راح تحفظيها

وخلي يوم او يومين تعيدين الايات الي خفظتيها وتكررين عليها

انا من اول كنت ابغى احفظها بس كنت اسوف وكان الشيطان يصعب علينا كيف تحفظينها صعبه وطويله وماتقدري تحفظي صفحه كامله ومن هالوساوس

بس الى هنا واستوووب الحمدلله ارتحت لما شفت هالطريقه حتى لو نقعد 6 شهور الين نحفظها المهم اننا مانخليها وان شاءالله عقبال بقية سور القران

والي تبغى يكون نطقها في الايات صحيح تشغل الحذيفي وتسمع للثلاث الايات الي حفظتها وتشوف كيف النطق ومخارج الحروف

وهذا رابط لموقع القران فيه الحذيفي او اي شيخ تحبين تسمعين له المكتبة الصوتية للقرآن الكريم – MP3 Quran

حبيتكم تشاركوني ونستفيد مع بعض ونسهل على بعض

والله يووفقنا جميعا ويسر لنا حفظ القران كاملاا

ويرزقنا مانتمنى سبحانه لايعجزه شيئا في الارض ولافي السماء

…..

لا اله الا الله وحده لاشريك له له الملك وله الحمد وهو على كل شى قدير