تعالو تعالو البصارة على طريقة ام دودو

بما اننا زهقنا كل يوم من الخضار والحمة والسمك قلت اعمل اية يابت يامو دودو قلت اعمل بصارة لان جوزى من زمان طالبها منى وانا كنت بطنش بصراحة بس انهاردة قلت يلا مبدهاش بقا
والبصارة من اشهرالاكلات اللى بيشتهر بيها المصريين اكلة مصرية جدا بجد طعمها حلو اوى يابنات يلا خلينا مع البصارة انا زودت حاجات من عندى بس طلعت تحفة
المقادير
2/1ك فول مدشوش
حزمة كرات
حزمة كسبرة
2طماطم
6فصوص توم
بصلتين
1فلفل اخضر
نجى للطريقة بقا ياحلوين
اول حاجة نغسل الفول كويس وننقعة من بليل فى مية كتير يجى 4ساعات وفى حلة كبيرة نضع المية تغلى ونضع الفول يغلى كام غلوة كدة ونكون مقطعين الكرات والكسبة وغسلينة كويس ونضيف الخضار والبصل والتوم والفلفل والطماطم والبصل والتوم ونخليها تغلى كويس ونزود مية لو احتاجت وبعدين توطى عليها لغاية مهتلاقى المية قربت تنشف وهى استوت بخدها واضربها فى الخلاط كويس

واعمل بقا تقلية عبارة عن بصل مقطع وتوم واحطها على البصارة واقلبها واغليها غلوة
واقطع بصل تانى واحط علية رشة دقيق عشان يطلع مقرمش واقلية فى الزيت واطلعة على ورق يتصفى وبعدين ارشة على البصارة وبالهنا والشفا ودى صورتها ان شاء الله تعجبكم

………………………………………….. ..

وعملت حلو بقا من كام يوم بسيط اوى وسهل ان شاء الله يعجبكم واكلنا منة بعدالبصارة وعجب جوزى كمان على ادى بردوة انا مش متمكنة فى الحلويات بصراحة متمكنة فى الطبيخ ربنايستر ههههههههههه
المقادير
3باكت بسكوت جوزهند
زبادى فواكة انا عملت زبادى مانجو
كاستر
جيلى
مكسرات لوتحبو
الطريقة
فرمت البسكوت كويس فى الكبة وحطيت علية او علبتين زبادى بالمانجو
وفردتة وعملت كاستر طبعا عارفين طريقتة حليب وكاستر وسكر
ورشيت جوزهند ومكسرات على البسكوت وحطيت طبقة كاستر
ودخلتة الفريزر وعملت جيلى ودخلتة الفريز وتقطعية عادى ودى صورتة يارب يعجبكم
دى اول موضوع لية فى المطبخ عوزة تشجيع بقا منكم;)