تعالو شوفوا حركة زوجي لي ….واللي تقرى موضوعي تدعيلي ان الله يبرد قلبي

السلام عليكم
كيفكم يافراشااات ان شاء الله بالف خير والله يعطيكم الصحه والعافيه والقوه يارب
بدخل بموضوعي لانه يفرفر بقلبي رغم كل وسائل الرضى اللي حاول زوجي يراضيني فيها ولا واحد منها برررد قلبي وبقولكم ليش
السالفه هي قبل اسبوعين وكان يوم خميس الضهر جالسه انا وزوجي التفت علي وقالي ودي اسافرقلت والله ودك تسافر يالله انا ويااك نسافر ونحضر ليلة راس السنه
ناضرني وضحك ضحكه شرسه وقالي لا قلت الله يخلييك مااعطاني اهتمام
طبعا انا يوم قلت نحضر ليلة راس السنه مو حبا باعيادهم لا بس عرفت انه بيسافر مع اصدقاه فما حبييت اقوله مع مين فعرضت عليه انه نسافر انا وياه 😆 🙂
بعدها بساااعه قالي اوووووه لانسى اسحب فلوس الشغاله عشان اروح استقدم انا عيوني صارت بهامتي قلت شغااااله ليش وانت بتستقدم شغاله قال طبعا يقولها بكل فخر يعني اني حاس فيك وهي كله تمهييد للسفرته مع اصدقاااه
من بكرى الجمعه بالليل قالي طفشااااااان روتيين ممل يوم قال كذا عرفت الدعوى وراها شي
يوم السبت بالليل قالي العيال بيساافرون اللي هم اصدقاه وانهم بيروحون بيرررررررررررررررررروت بيحضرون ليلة راس السنه اخينا فالله يناضرني يبيني اقوله سافر معاهم حبيبي بس ماعطيته وجه وقمت وخليته
رجعت جلست عنده مرره ثانيه وقالي قلت لابو فلان يشوفلي اذا احد يقدر يطلع لي تصريح من الجوازات لان جوازه مسرووق شفتوا وحتىالجواز مسروووووق يدبرون انفسسهم ويسافرون ماعليهم خلاااف ابد ياقلبي يالحريم
يوم قالي كذت عرفت انه حاجز وخالص ومدبر عمره بس يعطيني اشارات ويلمح لي
😆 hy: من بكرى الاحد بعد ماصحى من النوم قالي ابو فلان طلعلي تصريح ويناضرني بطرف عين واناضره انا بطرف عين ودي اذبحه قلت يعني بتروووح قال وش راايك على باله الاخ مسوي فيها احترام وياخذ اذني وهو منتهي من كل شي 😆 hy:قلت بكيفك ومشيييييت للصاله وجلست
قالي وين ملابسي حقت السفر قلت هنااك وانا مبوزه قال قومي معي نطلعهااا
طلعتها له ورجعت اجلس بصالتي وانا بنفجر من القهر قام يحووس باغراضه ويضبط امووووره وهذا كله وهو حاجز وخالص ومدبرهاا طلع من الغرفه وشافني بالصاله اصيح قالي وش فيييك وله وجه يسال بعد
ولا رديت عليه راح سوى نفسه زعلان ودخل المجلس وقفل الباب حركته هذي يبيني اخاف منه وابلع صياحي واقوله روح ياحبيبي استانس طبعا هالمره قوييييت قلبي وفردت عضلاتي
يوم شافني اني مااحاكيه ولا اعطيه اعتباار قام يحتك فيني وقالي شوفي زياد كب الاكل اللي هو ولدي ولارديت عليه رجع قالي اختي بتجي وتجيب عشاها معاها طبعا اخته الكبيره جايه من الرياض زياره وجالسه عندنا كبيره ومطلقه وجايبه شغالتها وسواقها وسيارتها
الطامة الكبرى اللي صارت على العشااااء
قالت اخته الكبيره انا بسوي عشاء يوم الاربعاااء عشانك يااخوي وعشان الترقيه قال الله يكثر خيرك بس متى عشان انا مسافر الخميس وراجع يوم الاربعااء يعني اسبوووووووووووووووع جالس يافراشااات اسبوووووووووووع تخيلوا قلت انا بتقعد اسبوع قلتها بصوت عال لاني انصدمت قال ايه اسبوع
قالت اخته طيب خذني معاك وخلني بالمطار ادبر عمري وانت توكل مع اصدقاااك قلتلها ماخذاني انا ياام عياله قالت انتي عندك مدارس انا الشياطيين صارت تنطط فوق راسي
قلتله ياخي خذنا انا واختك وخلينا وانت روح مع اصدقاك قال ايووه والعيال ومدارسهم قلت يغيبوون اسبووع قال وليش يغيبوون وعشاان ايش عشان تسافريين مو لاااازم تسافرين تخيلوا يابنات قالي كذا قدام اخته انا ودي لو الارض انشقت وبلعتني ولا صار هذا الموقف قدام اخته لانه بعمره مافشلني 😈
خلاص قلت مايبيلها زوجي يبيله لعنة خير مالها اول ولا لها تالي يبيله زعااااااااق يفقع مرارته يبيله اوقفه عند حده لحد هنا وخلاصجاء الاثنيين وانا مااحط عيني بعينه ولاتكلم معاه والغدا حيالله غدا اسويه بعد الدلع اللي كان يشوفه بينقلب كله جحيم
يوم الاثنيين بالليل دق على جوالي وقالي وش رايك نطلع قلت طيب وانا بطلع مو عشان عيونه عشان انفجر عليه واطلع اللي بخاطري قال خلاص اذا كانت الشغاله فيه اللي هي حقت اخته خلي الصغير عندها والباقيين نايمين وتجهزي عشان نطلع
حصل ضرف وربي مااراد انه نطلع
يوم الثلاثاء اتصل على اخته الكبيره اللي ساكنه عندي وقالها ابغى الشغاله تقعد عند عيالي عشان بطلع انا وام فلان قالتله انا رايحه لاختي واختي تبغى الشغاله عشان عندها شغل ومحتاجه الشغاله
اخته الكبيره سووت معرووف وقالت اسمع يافلان اللي هو زوجي قالت انا بكرى الاربعاء اخذ العيال من العصر وانت اطلع مع زوجتك قالها اوك كذا ممتاز
😀
جاء الاربعاء ولبست عيالي العصر واخذتهم عمتهم وراحو وجهزت انا وجاء زوجي وانواع الغزل فيني حاس انا وش ابي اسوي فيه ❗
ركبت السياره وانا العبره بحلقي خلاااااااااااص منتهيه قالي ليش ام فلان زعلانه يعني يافلانه وش انا مقصر فيييه
هو بس قال كذاااا انا صرت كذااا 😥
قلتله وبصوووت عال في السياره انت كم مرره وعدتني بالسفر قالي طيب يابنت الحلال انا بسفرك بس اصبري
قلت والامتى اصبر قالي اتكلمى من غير زعاااااااق ولاتعليين صوتك قلت اعلي صوتي وانت تسكت وتسمعلي انا وحده ضحيييييت وكافحت وصبرت وشفت وعشت وياما تكلمت وتكلمت وعشمتني بالسفر واخرتها انت تسافر قالي طيب اهدي قلت كيف اهدى انا نفسيتي تعبانه انت تسافر وتروح وانا وش لي قالي مو اهلك بيسافرون بالصيف قلت وش يضمن لي اهلي قال خلاص انا بسفرك قلت وانا اصررررخ ياكثر ماتقوهاااا حراااااااااااااااااااااااااااااااام علييييك انسان اناني من يوم ماجاك الورث قلي وش سويت لنها فيه يالله قلي كلها ديونك واجاراتك وسفرياتك قلي وش سوييييت
شوف الرجال الثانيين وش مسويين بحريمهم يسفرونهم ويمشونهم قالي لاتقارنين نفسك باحد قلت الا اقارن العالم اللي حوليني تسافر وتتمشى وتتنفس وانا اتنفس ببيتي ماتبغاني اقارن
بعدين انا قلتلك خلينا نسافر انا وياااك وتضحك وتقولي لا وانت حاجزومدبر وخالص قال كيف تسافرين والعيال ومدارسهم قلت عيالي عيالك انت بعد مو عيالي انا لحالي ولا عشان اختك فييه وسواقها فرصه لك
وبعدين ليش تفشلني قدام اختك وتقول عشان تسافرين مو لازم تسافرين
قال انا اقصد اختي ابيها تفهم قلت ياسلام اتفشل انا عشان خاطر اختك تفهم ليش ماتقولها له مباشره
قال خلاص انا قلتها وهي فهمتها 😉 مادري الاخ كيف يفكر
وبلاخير قالي وش يرضييك يام فلان قلت مابي منك شي
وخلاص اسكت
قالي صراخك وزعاقك حز بخاطري انا ماحسبت هذا كله بقلبك لكن لكي اللي تبيين
قلت مابي منك شي
وداني للفندق جلسنا باللوبي بالقهوه وطلبلي عصير
يبي يلطف الجو ماعطيته وجه
سالني متى بترتبيين شنطتي قلت مالي دخل فيهاا انت رتبها انت بتسافر مو انا بسافر
حولي مبلغ بحسابي وكانت مرضيه
بس يابنات مازال النار تاكلني انا واثقه بزوجي واعررررررفه زين مو حق الخرابيط ابد زوجي يحب السفر وخاصتن مع الاصدقاء
يعششششششق شي اسمه السفر
بس ليش كم مرره يوعدني ويخلف
كل ديره يروحلها يقولي ان شاء الله اسفرك لها تشوفينها
يستخدم معي اسلوب التسكييت عشان اسكت
الامتى طيب هو ينبسط وانا في البيت مع عياله اذاكرلهم واكلهم والبسهم وانومهم الله لايحرمني منهم
وهو وش وضيفته بالحيااااااااة اتجاه عياله
هو اللحين جاء وجاء يومالاربعاء الماضي قررت استخدم معه اسلوب الطناش والبرود عشان يحس
خلاص مدامي زعقت عليه في السياره بصير ماشيه على زعلي
ماستقبلته ولاسويت حركه ولا غيرت شي في البيت زي كل مرره
جاء وانا نايمه صحاني سلم علي ولا عطيته وجه
قالي جبتلك شنط ماركات يدري اني احب الماركات
ابتسمت بسمه خفيفه
يطلعها لي وهو زي المجنون يستنى كلمة الله يعافيك حبيبي ماقلتهااا
يناضرلي ويحاول يتكلم معي وانا على الصامت
يبغاني اسئله عن سفرته ووش سوييت ولا سؤال سئلته
يوريني الصور بالجوال التفت شفتها وشلت عيني ولاحاولت اشوف اللي بعدهاا
ومازال يحاول يراضيني بس انا ماني قادره القيله بال
يابنات مازلت مقهوره
ونفسيتي تعبانه بتقولون ليش لاني عانييت معاااه كان جالس سنتيين من غير وضيفه وصبرت عليه وعلى نفسيته واخلاقه وغير اللي قبلها من مواقف صبرت عليها والكل شاهد ونهايتها يفكر بوناسته قبل لايرد لي الجميل والمعروف اللي سويتها معاه وع الضروف اللي مرينا فيهاا
راح استخدم اسلوب البرود في كل شي
راح استخدم اسلوب الطناش
ابطلع واروح واجي ولاعلي فيه وانا عارفه ماراح ينتقدني لانه معترف بقصوره وغلطته
بس يضل القهر بقلبي ياكلني كل ماتذكرت انه راح هنااااك وغير جو
لاني والله نفسيتي محتاجه تغير جو ولو باقل الاشياء
لانه لم اتذكر انه مسافر عشان يحضر حفلة النيوير ووين في بيروت
تجيني حاله هستيرياا
ادعولي يابنات ان الله يبررد قلبي ويعوض صبري خير عاجلا غير اجل يارب