عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
صباح/مساء الخير لأخواتي الحلوات
عسى الله يتقبل منا ومنكم صالح الأعمال
ادعولي ان الله يهون ويسهل علي ولادتي وافرح بطفلي ان شاء الله ➡
وأسأل الله العظيم رب العرش العظيم ان يرزق كل محرومه ويقر عينها بكل ماتتمناه وترضاه….
بنات ابيكم تشوف التوزيعات اللي صلحتها وابي اعرف رايكم
وقبل كل شي ابي اشكر الأخت العزيزه الغاليه(( أم دودي الصغير )):)
بصراحه ماقصرت طلبت منها السجادات الماركات وأقلام الأذكار وقلتلها تكفين ابيها بأسرع وقت ممكن
لأني كنت خايفه اولد وانا مابعد سويت شي
وماقصرت والله خلال يومين من بعد التحويل ارسلتها
ومن كم يوم قمت اتفنن وازين واضبط فيها وارسلتها لها بالوسائط واعجبها الأبداع اللي انا ابدعته
<<<<<<<< والله من كبر هالكرشه قمت ابدع
المهم ياطويلات العمر اهي اقترحت علي اقتراح وانا عجبتني الفكره اني انزلها لكم وتشاركوني رايكم فيها
عسى ربي يوفقها ويرزقها من حيث لاتعلم ارسلت لي الصور على صندوق الرسايل لأن البلوتوث عندي خربان
والحين جيت جري ابنزلها لكم قبل لا تجيني الولاده وانا ماوريتكم اياها…. 😆 🙂
يالله بسم الله ماشاء الله تبارك الله
<<<<<<<<<خلاص لا تفليها واجد
هاذي سلمكم الله صورة الصندوق بعد مازينته وزخرفته بطريقتي
وهذا خاص بتوزيعات السجادات مع اقلام الأذكار
*****************************
وهاذي التوزيعات بعد مارتبتها بداخل الصندوق
وعشان تكون الصوره اوضح لكم راح اوريكم طريقت وضعي للهدايا
بما اني أخذت سجادات ماركات حبيت احطها في اكياس اورقنزا خفيفه مره عشان تبين الماركه والألوان
فحطيتها في اكياس لون ذهبي وسكري عشان تمشي مع طقم النفاس
********************************
والحين نجي لتوزيعات العطور الفرنسيه
هاذي توزيعات العطور غلفتها على حسب الألوان اللي داخله في الطقم
وحطيتها في كيس صغير سكري منقط بالذهبي وزينتها بشريطه بني وورده عسلي مع سكري
ورصيتهم في سله على شكل صينيه
موجوده عندي من زمان بس بخيتها بالذهبي لأنها حديد وخيزران وزينتها بالورود
عشان تمشي مع التغليفه حقت العطور…
*********************************
وهاذي صورة العطور عن قرب
***************************
وهذا الشكل النهائي للتوزيعات
طبعاً الطاوله اللي حطيت عليها الهدايا انا ضبطتها بعد اخذت قماش درجات البني والعسلي
عشان يتماشى مع السكري وفرشته عليها
وبعد جبت مفرش مربع جاهز قماشه مخمل وسويت فيه الحركه هاذي
مع اضافه بعض الورود عشان تعطي شكل حلو وجذاب….. 😐
هااااااااااااااااااااااااااااه وش رايكم:)
ان شاء الله تعجبكم حركاتي وبركاتي 😳 دول صنع ايديا وحيات عنيا 😈
ادعولي ان الله يهون ويسهل علي حملي واولد بسرعه لأني على وشك اصير ناقه 😎
