عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يابنات …
طبعا الموضوع واضح من عنوانه وبدخل فالسالفه على طول
المهم انا زوجه اخويه سمرا سمار عادي يعني قمحي
وصار لي فترة ماشفتها بس ماشاء الله وربي يوم شفتها احس بياضها صار يوجع فالعيون من قوته قولو ماشاء الله
المهم هذا وجهها ويوم شفت جسمها الا وربي يجنن كل جسمها ورقبتها كفوفها وجهها بسم الله ماشاء الله عاد انا استحيت اسألها مع انها عادي طيوبه وبتعلمني لو سألتها
ويوم كنا قاعدين نسولف الا وتقول لي ما استخدمتي اي خلطة زواجك قرب يابنت .. فعلا حسيت بأزمه نفسيه يوم ذكرتني بالزواج
بعدها قالت لي ماتلاحظين اني صرت بيضاء عاد انا فرحت مرة حسيت اني بكتشف السر
قلت لها مرة صرتي بيضاء وش سويتي …
فالاخير اكتشفت انه شي سههههههههههههههل مررررررررررررررررررررررررة وحلفت لي انها ماحطته الا يمكن خمس مرات يعني ماصار لها فترة والنتيجه نعومة بياض صفاء جنااااااااان
المهم الوصفة هي :
زيت اللوز المر ( معروف كويس للبشرة مايحتاج)
وسكر
فقط لا غير
تاخذين اي كميه من السكر مع اي كميه من الزيت بس اهم شي يكون الزيت اكثر وتحطينها فالخلاط اهم شي يكون قوامها مثل عجينه الكيك يعني مو سايله ولا جامده
وتفركين جسمك ووجهك 5 دقايق وبعدها بكيفك تبين تتروشين ولا ماتبين كلها عادي لانها هي تقول انا عادي احيانا امسح جسمي وما اتروش
بنات اتمنى تفيدكم وتفيدني لاني بستخدمها ان شاء الله
ولاتنسوني من دعواتكم الحلوة في ظهر الغيب
يارب تمم زواجي على الف خير وسخر لي زوجي ووفقني في دراستي قولو امين
عادي الي تبي تنقله لاي منتدى ثاني ودي كل البنات يستفيدون
اهم شي ادعو لي تتيسر كل اموري ويحقق لي كل الي في بالي
