تعالو ياعسولات شوفو نتيجة تجربتي لتحاميل تكبير المؤخرة وكريم التفتيح وغيرهم الكثيير,,

كيفكم حبوبااات

جايتكم اليوم وجايبه معاي تجاربي المتواضعة لمنتجات بعض الأخوات التاجرات بالمنتدى وقبل كل شي ارجووكم الردود الخبيثه ما أبيها
لانو اقسم بربي وربكم ان تجربتي صادقه صريحه بعيده عن الخداع والمجامله والعلاقات الشخصيه
بس لأني اعرف أنكم تحتاجونها مثل ما احتاج تجاربكم
وراح اقيم نتيجة تجاربي ب واحد او اثنين او عشره من عشره ع حسب رضاي عن النتيجه

بسم الله ماشاءالله ولا قوة الا بالله ➡ ..

(1)
اول شي إبداء بتجربتي مع الاخت shro0og صاحبة تحاميل تكبير الموخره
أخذت منها اول كورس شهر كامل أنا الأرداف عندي صغيره وانواع الغمازات واحس جسمي مو متناسق كنت استحي البس سكيني
لأني احس شكلي يصير يفشل غامرت وطلبت التحاميل من العسوله شروق
ورب العزه يابنات ان النتيجة بانت من بداية الاسبوع الثالث حسيتها تكورت وبرزت شوي
تحمست مرررره وفرحت كثير بالنتيجة المبدئيه وخلصت الاول وطلبت منها الثاني بدون انقطاع
وربي انه روعه بانت النتيجه اكثر وخفت الغمازات اللي بالي بالكم كثير الحمدالله
وكثير من اللي حولي ويمونون علي لاحظو وسألوني عن السر
وطلبت منها الكورس الثالث والأخير بإذن الله لأن النتيجه للحين روعه وبنهاية الثالث أكيد بتكون اروع

واقيم تجربتي مع تحاميل الاخت شروق 8 من 10 لأني للحين ماخلصت الكورس الثالث وبس اخلصه أكيد بيكون تقييمي 10 من 10 لانه بجد روووعه .

الف شكر لك ولصدقك وامانتك اختي شرووق ،،

(2)
تجربتي مع الاخت بنوته حلوه2 صاحبة خلطة تفتيح وتوحيد البشره
أخذت منها العرض اللي حبتين والثالثه مجاناً أنا بشرتي فاتحه الحمدالله بس مثل ما انتم عارفين علامات الجووده لازم تكون موجوده بديت بخلطتها واقسم بالله أني
استخدمت الخلطه بنتظام
وأخليها 6 ساعات واكثر وافركها يعني سويت زي ماقالت بالضبط بس للأسف النتيجه ماكانت مثل
ماتوقعت ولا مثل ماقريت بالتجارب اللي حاطتها 👿 يعني فتحت الاماكن الغامقة بنسبه قليله مره ولحست العلب الثلاث تلحيس وما شفت النتيجه العجيبه اللي قالت عليها الاخت
ويمكن استجابة البشرات تختلف من شخص للثاني .

فا اقيم تجربتي مع التاجرة بنوته حلوه2 ب 3 من 10 لأني ورب البيت ناشفت اكثر من كذا .

(3)
تجربتي مع الاخت أم ليوني صاحبة كحل الاثمد
أخذت منها الكحل بدون خلطه واستخدمته حسيته حار شوي ع عيني بس قلت بكمل للأخير عشان أشوف النتجيه اللي قالت عليها
وعشان اكون منصفه بصراحه أنا ماحطه كل يوم يمكن عشان كذا للحين ماحسيت بتغير بكثافة رموشي
لكن اللي حبيته فيه انو لمن احطه وأنام اصحى أشوف عيوني صافيه ويصير شكل الكحل بين الرموش حلو ➡

وماراح اقيم تجربتي مع كحل الاثمد الا بعد ما انتظم عليه شهر كامل مثل اللي فوق
عشان ما اظلم اختي ام ليوني وراح أبلغكم أكيد بالنتيجه وبكل أمانه وربي الشاهد .

(4)
تجربتي مع الاخت إيمان بالله صاحبة كريم الشفايف قودلايف
للأسف اكثر من شهر من الاستعمال المنتظم وماتغيرت شفايفي ولا ربع ملي الحسنه الوحيده
هي الترطيب وبسعره اجيب 9حبات لابيلوووو
آسفه اختي ايمان بس اقسم برب العزه هذا اللي صار معاي 😉

وتقييمي لتجربتي مع منتج الشفايف قودلايف للأسف انها 0 من 10

وفي الاخير في شغله بقولها ع اخلاق الأخوات اللي تكلمت عنهم بغض النظر عن النتايج
كانو قمة في الذوق ووصلو لي الطلبيات في الوقت المحدد سليمه وتغليفها ممتاز ..

وفي تجارب ثانيه راح اقولها لكم لما انتهي بإذن الله