تعالي بيضي اسنانك باسرع واسهل وارخص طريقة قبل العيد :)

يمكن أغلبيتكم ما يعرفون شنو اهوه الديرم
اهوه ينباع بالعطار على شكل خشبة طويلة ووممكن تطحنينه بالبيت على شكل مسحوق
و يستخدم لتبييض الاسنان

ومصدره من ايران ..وطريقة استخدامه انج تفركينه على الاسنان و النتيجة من اول مرة تبين
بيااااااااااااض و لمعان

بنات انا ما كنت اعرف شنو اهوه الديرم ليما خالتي الله يطوللي بعمرها قعدت تسولف عنه
تقول انه ايام قبل الحريم كانوا يستخدمونه عشان يبيض الاسنان و مفعوله يقعد 4 الى 5 ايام و يستعملونه اكثر شي بالمناسبات ..وبعدين عطتني كمية شويه عشان اجربه بالبيت .. وبنات انا جربت خلطة الخبز المحروق مع العسل الاصلي ..بس لما جربت الديرم قلت بلا خبز محروق بلا عسل
الديرم و بس يعطيج مفعول كرست ولا احلى ومفعوله يبين من اول مرررررررررة

حتى يا بنات كان عندي ضرس مصوفر شويه عالجنب مو راضي يروووووووووووووح لو شنو اسويله ما يروح ..لما استعملت الديرم ماشاء الله تبارك الرحمن اسناني صاروا لون واحد

.
.
.
للبنات اللي حابين يجربونه ..روحوا العطار قولوله ابي ديرم حار
لانه في ديرم بارد و على قولة خالتي مايسوي شي واهي مجربته و ما منه مفعول