تعالي سجلي رأيك بهالموضوع ….أكيد انك مؤيدة لي..

انا من زمان كنت حابة اكتب عن هالموضوع لاني واجهت صعوبات كثيرة حسيت من خلالها
بالحاجة الماااااااسة اني الفت الانتباه له بعد ما التفت يمين ويسار ومالقيته موجووووود للاسف!!

وهو مستشفى حكووووووومي خاص بالنساء والولادة
معقولة الرياض مافيها؟؟!!!!!!
الرياض عاصمة المملكة العربية السعودية…وعاصمة العرب في نظري
مافيها مستشفى حكومي خاص للنساء والولادة ❗

الدمام والمدينة وجدة على ماسمعت ان فيها مستشفى نساء وولادة..بس هنا مافيه:(

أنا قبل كم شهر كنت حامل..وواجهت صعوبات في حملي وكان لازم نشوف لنا مستشفى حكومي
اتابع معاه لآن الحالة ممكن تكلفني كثيييييير في المستشفيات الخاصة
وتعالوا شوفوا كفاءة المستشفيات الحكومية من هالناحية
في الآخر رسيت على المدينة الطبية وطبعا مو بسهولة ادخل
لازم اجيب واسطة..طيب لو اني ماقدرت اجيب واسطة اش كان صار علي ؟؟؟؟؟؟؟؟؟
اتبهذل بين المستشفيات الحكومية الثانية واللي كفائتها اي كلام!!
او اروح ابيع ممتلكاتي عشان اتابع في مستشفى خاص؟؟

انا الحمدلله تسهلت اموري ماشاءالله..لكن مازال في راسي صوت وحدة كانت في مراحل الطلق
في اسعاف المدينة الطبية وبعد ماكشفوا عليها وقالوا انتي ولادة خلاص لكن مافيه اسرة هنا روحي اي
مستشفى ثاني!!!!!!!!!!!!!
تقولهم طيب انا رحت مستشفى الامير سلمان وما استقبلوني وانتوا هنا ما استقبلتوني اجل وين اروح
وانا تعبانة ما اقدر عالتنقل..!!!!

والله الحوامل فئة مسكيييييييييييييييييينة من المجتمع .۔
غير النساء اللي تحتاج لمتابعة في الإنجاب يااااكثر متاعبهم النفسية والجسدية والمادية
وانا اتكلم عن كل ذا عن تجربة شخصية

والله الحكي كثييييييييييير واكيد انتوا تسمعون او تمرون بمتاعب في هالناحية
والله كريم!!!!