عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يا امهات..!!
بدخل بالموضوع على طووووول..
انا الله يسلمكم من الامهات اللي عانت من الامساك اللي مع ولدها..من الاربعين هو مايتبرز (اكرمكم الله) اللا في الاسبوع مرة او مرتين وكان مسكين يجلس يتعصر لحد مايصير وجهه احمر على اسمر..ولأني ام مبتدئة كنت احيانا اجلس ابكي لما اشوفه كذا يحزني مره احسه بيولد<<< 
المهم قلت امكن من الحليب كنت استخدم له سيميلاك رحت للدكتورة وقالتلي خذيله رونالاك جنتل..رحت واستخدمت ومافاد نفس الشي رحت وجلست اسأل الحريم الكبار قلت هما اللي عندهم الأخبار السنعه.. قالتلي جدتي صيري كل يوم حركي له رجوله زي الدراجة عشان يساعد حركة الأمعاء..وجري وانا ماشاء الله كل ما أغير له اسويها له وماشاء الله بالفعل اتحسن شوي بس لسه يبكي ويصيح من الامساك احيانا..
رحت لدكتور وقلت له امكن من الحليب قاللي لا مو من الحليب الامساك شي طبيعي عند الاطفال لانه عضلاته لسه ضعيفة وماتقدر تضغط على الامعاء بقوة بس عندي لك الحل قلت له الحقني عليه قلي (السكر) حطيلوا ملعة صغيرة سكر في الرضاعة..
والله يابنات وماشاء الله من يوم سويتها وولدي مرتاح وحتى لونه فتح <<قولوا ماشاء الله <<محد شايفه مفتح غيرك طولي بس 😉
والله حطيته للفائدة وعشان عارفه معاناة الامساك..
ادعولي ان الله يشفي امي ويحفظ ولدي وزوجي ويهديهم..
