تعانين من الكزيما مثلي ..؟ تعالي اقولك علاج سهل وبسيط

حبيباتي الفراشات استفدت منكم كثيير واليوم حابه افيدكم بتجربتي

طبعا كلكم تعرفون الاكزيما شلون كريهه .. وتسبب حكه واحيانا بقع ماتروح ..

امس رحت للدكتور عشان هالموضوع وقالي ان بشرتي حساسه كثير وسألني عن الشاور الجل الي استخدمه .. قلت له ديتول ..

وقالي ان الديتول هو اكبر دمار للبشره تخيلو قالي كنك تصبين بنزين على جلدك

المهم طبعا عطاني ابره مهدئه للحساسيه وكتب لي مرهمين واحد مضاد الحساسيه والتهيج وواحد مرطب

وعطاني حبوب بعد .. وكتب لي صابونه عشان استخدمها اذا جيت اتروش ..

طبعا لما رحت البيت .. قالت لي امي وشرايك نجرب شي طبيعي يمكن تنفع مع الادويه

قلت طيب وفعلا جابت امي عسل طبيعي انتبهوو لازم يكون طبيعي المصنع ماراح يفيدك بشي

ودهنت الاماكن الي فيها حساسيه وخلته نص ساعه بعدين غسلته .. طبعا كلكم تعرفون فوائد العسل وكيف انه يهدي البشره .. طبعا طول ماهي تحط لي تقرا وتنفخ فيه ..

وبعد ماغسلته جابت قطع ثلج حطتها على المناطق الي فيها حساسيه وصارت تدعكها بشكل قوي ( بس انتبهمو تجرحين نفسك )..عشان تبرد البشره ويخف تهيجها وركزت ع الاماكن الحمرا ..

وبعد كذا تنشفت وحطيت الكريمات ونمت.. والله مااكذب عليكم جسمي هدا بشكل مو طبيعي

وبعد ماصحيت النوم لقيت البقع الحمرا خفت يدووب تنشاف ..

بنات من جد والله العسل شي مو طبيعي (فيه شفاء للناس )

انصحكم تجربونه واذا نفعكم تدعون لي بالتوفيق 😛
😉