تعانين من جفاف الشفايف؟؟ ادخلي واقري قصتي

كيفكم يافراشات
هذا اول موضوع لي وحبيتكم تشاركوني معاناتي في جفاف الشفاة
ماأعتقد فيه وحده جفاف شفايفها قد جفاف شفايفي
ماتتخيلون انها اذا جفت تتقشر منها طبقات وطبعا انا ماأصبر يدي على طول تشتغل تشيل في هالطبقات
المهم اني ربطتها بالجوع ونقص السوائل بحكم سوء التغذيه اللي عندي وكان يمر علي فترات جوع واتجاهل نفسي
ولاحظت اني اذا جعت بعدها بيوم او يومين تتجرح مو تجف وبس لا يصير فيها جرح في النص
بعدين ربطتها بآلام المعده
زبدة الكلام اني لاحظت علاقه قويه بين الجهاز الهضمي والشفايف
بس للأسف هالشي مافادني او وقف الجفاف…..
مع اني حاولت احسن تغذيتي
صرت اسوي بحث وكل مالقيت طريقه جربتها
العسل………. الفيكس……….. الفازلين في السره وهذي طريقه حلوه بس للأسف مفعولها مؤقت
وصرت ماأشتري مرطبات غاليه لأني عارفه النتيجه مؤقته اكتفيت بلابيلو وفازلين
مع مرور الوقت لاحظت ان شفايفي تجف فتره وتتعدل من نفسها
مالقيت شي معين اربطها فيه واحترت معها
الين قريت مقال في جريده ان جفاف الشفاة يعتبر من اعراض او من الاثار الجانبيه لجفاف العين!!!!
وبما ان اختكم في الله قد شخصت حالتها من زمان على انها تعاني من جفاف العين وصرفت العلاج لنفسها
اللي هو عباره عن دموع صناعيه مالها اي اثار جانبيه
قدرت الحين تربط بينهم
لما انتظم في استعمال الدموع ينقطع الجفاف
ولما انقطع عنها يرجع بكل بساطه
طبعا مو شرط ان كل من جفت شفايفها معناه عيونها جافه
بس انتي اكشفي على عيونك وتأكدي
وتمنياتي لكن بالتوفيق
اختكم لحظة حنان