عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
خواتي محتآجتكم حيل تكفون حلو مشكلتي مالي غيركم
بنات انا قبل شهرين تقدم لي واحد عند طريق وحده من صديقاتي كانت معجبه باخلاقي وخطبتني لواحد من جماعتهم انه يبي يستقر ويبي يعيش بالشرقيه بما ان بيككون عملة فيها
وان المواصفات اللي يبيها فيني وانه رجل متدين حافظ القرآن بار لوالديه محبوب بين ناسه
وكلمته عني وتعلق فيني من كلامها عني له واصر يجيب اهله يخطبوني (يسكنون بالشمال)
بما ان امه كانت رافضه يتزوج وحده برا اهله وحتى اخوه الكبير بس اقنعهم و وافقت
وكلمو اهلي وجاو شافوني وسالنا عنه وماسمعنا عنه الا كل خير ولله الحمد
واتفقنا على موعد الملكه
وقبل موعد الملكه بيوم اتصلت صديقتي وقالت ترى اخوه الكبير بيخرب عليه وانه يحشر امه على اخوه انها ماتتم الملكه ومن هالكلام ان هنا تضايقت ودعيت يارب تتم الملكه
على خير وماقفلت منها الا امه تتصل على امي تقولها ان …. وحده من بناتي ومابي اظلمها ومن غشنا فليس من وان ولدي من كم سنه
جاته عين واثر عليه وتجيه حاله يعصب فجأه ( مريض نفسي )
وانا اخاف عليها وانتو فكرو بالموضوع وردو علينا امي هنآ ؟؟؟ قالت لاخواني وتفآجأنا طبعا كلهم رفضو وانا ادري ان الموضوع مو صحيح وكلم الولد اللي بيخطبني بنفس اليوم اخوي الكبير
وعلمه كل شي وانه مستعد يسوي فحص ويعطينا تقرير طبي تثبت صحة كلامه حتى اصر تتم الملكه لكن رفضو اخواني واخوي الكبير تفهم له وقاله اصبر لين تهدئ الامور
طبعاً هو زعل على اهله فتره وهو خلاص تعلق فيني يوم شافني وكلام امه وخواته لها عني ويبيني ومتمسك فيني وانا بصرآآحه تعلقت فيه حيييل
كنت اتمنى زوج بمواصفآته حتى امي حبته حيل وارتاحت له ومو قادره تنساه
وبعد شهر كلم الرجال اخوي الكبير وقاله ان امي بتعتذر عن اللي صار وان غصبن عليها وكذا , جا اخوي بيشاور اخواني طبعا اخواني
عقلياتهم متخلفه ويحقدون ويعاندون بشكل مو طبيعي يعني اذا اصريتي على شي هم يعاندون يقولون لآلآلا,
شاورهم وقالهم ورفضو ولا مانبيه ولا راح نسامحهم ليش امه تسوي كذا وفهمناهم احنا ماعلينا واللي امه سوته مجبوره دام البنت موافقه والرجال مايعيبه شي وهي تبيه وماني نوقف بطريقه وهذا رزقها وهي بتعيش هنا وقريبه منا واهله بالشمال
قالو يعني الا بتمشون كلامكم اذا هي تبيه ومصره تاخذه بس تنسى ان لها اخوان وخلي ولي امرها يزوجها اللي هو اخوي الكبير هو موافق ومتفهم الموضوع حيل ومسسسامح وان اصلا معطين الموضوع اكثر من حقه ومره يقولون لو نشوفه جاي بنطقه وبنطرده ومدري ايش صراحه اكتشفت عقليات اخواني مدري وش تبي مااحسها عقلية رجال فاهم بس يزعطون
وانا بصرآحه ابيه واخوي الكبير موافق وامي موافقه ومو معارض الا اخواني امي حرها قلبها امي تبيني اخذه بس يوم شافت ردة فعل اخواني
قالت ان اشهد اني جبت عيال
مافيهم خير مالهم حق يوقفون في طريقك ولا اللي يقهر كنه هم اللي بيتزوجونه كل واحد مطلع عيب حتى كلامهم مو منطقي لو تسمعونه تضحكحون وتشفقون على عقليتهم امي
يوم شافتني متعلقه فيها وانتي تعبت ودمعتي كله على خدي قالت تروح تشتكي على اخوانها خلي الشيخ يزوجها
انا تكلمت مع واحد من اخواني يقول بس كذا انا مابيه ادري انه رجال بي ماابي وادري انتي الضحيه بالله مو شي يقهر واذا اخذتيه انسيني
انا خلاص طاحو من عيني انا اختهم الصغيره ويسون فيني كذا زعلت
عليهم حتى ماصرت احب اشوفهم غيرت نظام نومي علشان اماشوفهم صرت اكرههم ولا يبوني
الا عشان حاجتهم عشان اسوي لهم اكل لبطونهم وبس بس صرت اتجاهلهم وحسو اني زعلت عليهم وماصرت اكلمهم
وامي احتارت كيف تقنعهم , انا ابيه تعلقت فيه حيل وربي
مستحيل يغيب عن بالي وهو دايم يدق على اخوي الكبير ويقوا انا ابيها واخواني معندييين
وش تنصحوني فيه اكلم اخواني وش اقولهم عطوني كلام ااقنعهم يحنن قلبهم علي ؟
إذا في حل ثاني اسويه ؟
وامي وش تسوي معهم ؟
تكففففففففففففففففون واللي يخليكم عطوني حل
وادعو لي ان الله يحنن قلب اخواني ويجمعني فيه على سنة الله ونبيه
