تعبااااااااانه وأنا صرت مو أنا ..!!!!!!!

صباحكم ورد..

راح ادخل بالموضوع على طول..

انا تعباااااااانه يابنات تعبانه نفسيا من التغيرات اللي قاعده تصير لي..

والله ماأدري وش اكتب وش اقول او كيف اوصل لكم اللي فيني ..!!

انا لاحظت من مده يمكن سنه اني متغيره وانا مو انا!! يعني في البدايه
بديت اكره الطلعه والخروج من بيتي ومقابلة الناس مع اني كنت اجتماعيه واحب اخرج لكن الحين لا!!
صرت اكررره اطلع من بيتي لو زياره لأهل زوجي!! ماأدري وش غيرني كذا
والمصيبه ان اهل زوجي بدو يلاحظون علي هالتغيير.. صرت اذا رحت لهم احس اني مخنوووقه ابغى ارجع
لبيتي بأي طريقه مع اني والله احبهم ومااشوفهم الا زي اهلي وكنت تمااام معاهم بس ليش تغيرت كذا؟؟!!
صاروا يسألوني وش فيك مو على بعضك؟؟احد مضايقك؟؟زوجك مزعلك؟؟ ليش ساكته؟؟ تعبانه؟؟ فيك شي؟؟
وانا عذري اني تعبانه من الحمل وهم الولاده لأني حامل !! لكن في الوااقع هذا مجرد عذر!!!!

تخيلوا مو بس مع اهل زوجي لا حتى اهلي!!!!!
الكل لاحظ اني تغيرت 180 درجه بعد مارحت لهم زياره وجلست عندهم فتره لأنهم بعيدين عن المدينه اللي انا فيها.. صرت هاااديه وماأتكلم كثير ولو علي ماطلعت من غرفتي
لدرجة ان اخوي لاحظ وقالي مره ليش صرتي انطوائيه انتي ماكنتي كذا ..!!
..!!

ااااااه والله تعبااااانه صرت اجااااامل النااس كثير والبسمه ماتطلع مني الا مجامله على طول مكتئبه
..
وفوق هذا يابنات صرت انسى كثيييييييييييير والتركيز عندي صفر!!! وأسرح كثير
واحس اني مفهيه مدري وين الله حاطني !!!!! وصرت اكلج بالكلام كثير والسبب انو ماعاد عندي تركيز!!!!
مدري ليش صرت كذا !!!
والله ماعمري كنت كذا بيوووم!!! بالعكس انا طبعي فرفوشه وذكيه ومابقول جريئه لكن احب اختلط مع الناس وماعندي مشكله بمقابلتهم والسوالف والضحك معاهم ..

قولولي يابنات انا وش فيني؟!!!!!
اختي تقول فيني عين!!!! لكن انا مو مقتنعه ..يعني عين ليش ومن مين وليش يعطوني عين وانا مافيني زود عن باقي بنات خلق الله؟!
ومره فضفضت لأمي طبعا انصدمت ان كل هذا فيني وقالتلي نفس كلام اختي انو عين لأني تزوجت
وانا لسى صغيره وكملت الثانوي بعد الزواج ..درست انتساب وانا علمي والحمدلله نجحت من غير ماارسب في اي ماده وامي شايفه انو هذا السبب وان الناس ماتعطي خير!! بس انا مو مقتنعه بهذا كله!!!
انا ابغى اعرف ليش صرت كذا؟!! والحين راح ادرس هالسنه بالجامعه برضو انتساب لكن كل اللي افكر فيه كيف انجح واذاكر وانا بهالوضع؟! مخي متنح وانا مفهيه وسرحانه 24 ساعه وماااعندي تركيز بأي شي
لا وأزيدكم من الشعر بيت حتى السمع ماعدت اسمع زين!! صار سمعي ثقيل!!!!!!!!!
انا خلاص تعبت والله تعبت كرهت نفسي ومهمومه من اللي انا فيه وخصوصا انا على وشك ولاده لكن مدري اشيل هم ايش والا ايش!!!!

احس اني تكلمت كثيييييير واتمنى محد يطلع من موضوعي من غير مايرفعه لي بدعوه ع الأقل ان حالتي ماتدهور زياده وانا راضيه اعيش بهالوضع لكن لا تدهور زياده ..!!