عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اشحالكم يا الغاليين ؟
انا تقريبا لي شهر وانا متضايقه >< مآ اعرف شو فيني .. صرت كلما اروح المدرسه اتضايق وخصيصا يوم اشوف ربيعاتي كلهم في صف واحد وانا بروحي واهم ايون عندي ويقولون حللليج برووحج احن ويا بعض احسسن .. انا انقهر
بس ما احب ابين لهم .. المهم .. انا مب موضوعي عن هذا ..
انا بقولكم شو صار اليوم … انا من النوع الطيبه زياده عن اللزوم وحساسه وايد .. المهم اليوم يوم كنت اتمشى ويا ربيعاتي .. يو بنات ودزوني انا طالعتهم وطنشت .. بعدين راحوا عند ربيعاتي وقالوا ربيعتكم ليكون زعلت !!! ربيعاتي قالوا : لا هاي من النوع اللي ما تزعل .. طيبه واايد ..بعدين قالوا اها يعني ينقص عليها بسرعه
المهم انا طنشت .. بعدين بعد الفسحه راحوا ربيعاتي لصفهم وقالوا لي : يلا سيري صفج .. حلييلج بروحج
احن كلنا ويا بعض .. قلت لهم : بس خلاص لا اتمون تقهروني … بعدين دق الجرس عالبيوت
ورحت ادور ربيعاتي وما حصلتهم !! رحت بروحي لين ما ركبت البااص ..والبنات منصدمات اني غريبه مب ويا ربيعاتي !! .. انا قلت لهم اهم خلوني ورااحوا انا شسوي ؟؟ بعدين في البااص انصدمت من ربيعتي الكلوووووس ويااااي
تخيلوا كنا نتناقش في موضوع . وقالت لي شاريج اتيين وياي السووق نتمشى .. قلت لها والله ما اقدر ما احب اروح السوق بروحي انا ويااج .. متعوده ويا اهلي .. واعتقد انه اهلي ما بخلوني .. قالت لي جداام بنات الباص .. اشمعنى انا شفت اختج في السوق ويا ربعاتها وانتي لا
انتي صج صج مآآآآآآآآآآآآآآآآآآآآآآآ عندج شخصيه ابدااا .. تميت ساكته من الصدمه !! قلت في نفسي انا مآ عندي شخصيه
وكل البنات تموا يطالعوني !! .. انا سكت واهي نزلت بيتها .. وانا بعدني ساكته وافكر في الكلمه .. بعدين يت وحده اعرفها تمت تطنز علي وقالت لي : انتي انتي .. قلت لها : هلا حبيبتي شفيج ! .. قالت لي: انتي ليش جيه ..!!
قلت لها : حياتي شو فيني !! ,, قالت لي : صج صج ما عندج شخصيه .. انا ضحكت وكانت الدموع في عيني
( انا من النوع اللي ما ارد ) .. ونزلت بيتها البنت .. حسييييت نفستي تعبااااانه من الخآآآطر
احس نفسي صرت وآآآآآآآآآآآآآآآآآآآآآآآآآآآآآآآآآآآآآآآآآآآآآيد حساااسه
يوم قلت السالفه لاختي .. قالت لي : معليه طنشي بس احسها عاادي ليش تتحسسين ..!!
قلت لها : انا من النوع اللي شوي حساااس بس ما احب ابين لحد
والله يا بنات صرت اتضايق من المدرسه ومن ربيعاتي ومن كل حد .. صرت عآآآيفه الدنيااااا من الخآآآآآآطر
والله حتى بعض الايام اقول ياربت يغمى علي ..اترقد في المستشفى هذا كله عشان ما اففكر في اي ححححححححححد
والله تعبت نفسيآآآآ >< .. لهدرجه الطيبه تسوي جيييه .. والله حتى بعض الايام اتيلي ضيقه في الصف وابي اصيح
اروح عند المس واقولها بسير حمام .. ويوم اسير الحمام اسكر البااب واتم اصييييييييييييخ لين ما اخلص وارد الصف
والله مليييييت من هالحياااه مللليت ما ابيها .. ياااارب سامحني
والسموحه منكم يا حياايب قلبي
ترآآني قآعده اكتب وانا اصييح وحالتي تعباااانه وآآآآآآآآآآآآآآآآآآآيد
اجوكم ساعدوني
وربي ما بضيع اجركم وعسى الضيقه ما اتيي صوبكم
