تعبانه ومصدومه

انا صارلي شي ما كنت متوقعته موليه انا متزوجه من خمس شهور
و ساكنه مع زوجي في منطقه تبعد عن اهلي ساعتين وانا متعوده اوح و ارد الاهلي بروحي
ويوم من الايام قالي زوجي انا ابي انتقل لمنطقه اهلج لان منطقه اكبر وهناك هو راح يبدي دراسته

المهم هم كلف ابوي انو ايشوفله شقه يمهم وابوي ماكذب خبر و لقه لنا شقه بس المبلغ الي طلبه راعي الشقه كان وايد علينه فماخذينه الشقه بعد اسبوع الريال اتصل على ابوي وقاله تعالو اخذو الشقه بالسعر الي تبوا وحنا فرحنا وعل اساسه اتفقنه انسلم شقتنا بنفس اليووم الي نستلم الشقه اليديده بس بعد ما تم الاتفاق ابكم يوم اتصل الريال صاحب ابوي وقال انا ما اقدر اطلع باليوم الي حددنا ما اطلع الا بعد عشرت ايام وريال اعتذر طبعن انا وريلي ضجنه وعصبنا وقلنا خلاض ما نبيه بعد بس بعد كم ساعه زوجي غير رائيه وقال خلاص مو مشكله ابناخذه

قبل اربعت ايام كنت جالسه مع زوجي نتكلم عن الشقه الي بعد كم يوم بناخذه فنضدمت بردت فعله من قال انتي مصدقه انو انا ابناخذ هل شقه قتله عيل شنو؟ قال لا انا سويت هل شي على شان اعاقب صاحب الشقه الان نكت فينه وانا لاقيت شقه وعلى نهايه الشهر بننتقل فيه انصدمت وقلت له جي بدون ما انا اعرف حذرني ما اجيب طاري حق ابوي انو هو ما راح ايوقع العقد لا من الريال يسال عنه وليش ما اجه علشان ايوقع العقد معاه بعد يومين اتصلت امي على شان تسمع اخبار الشقه ونصدمت من سمعت انو زوجي ما راح سالت عن السبب وانا اتحرولت وما عرفت شقول فهو نتر فيني وقال قولي احنا حصلنا شقه وخله امي تسمع صوته امي قالت يلا ماما انا اخلج اني ما تقدرين تتكلمين صراحه انا زعلت و ضليت ساكته بس شنو كنت ابي بس ابجي ماطول عليكم هو سالني سؤال وانا جاوبته بجفاف بعده قالي انت ليش كالبه ويهج قتله مافي شي بعده صاح علي وقالي من باجر الصبح تلمين هدومج وترحين بيت هلج انا من صدمتي قلت اوكي بعده صاح علي مره ثانيه وقالي قومي انجلعي من الغرقه مابي اشوف ويهج انا هني بكيت وقلت ليش انا شنو سويتلك قالي بدون نقاش طلعين لو بمسح فيج البيت انا خفت وقلت خلاص انا بروح الحين بيت هلي صاح علي وقالي روحي للصاله ورحت للصاله وبكيت بكي ونمت بالصاله بدون حتى غطه وهو عادي يروح للحمام وراح اكل و بعده ضل يضحك على فلم بالتلفزيون

انقهرت وضليت انتظر الصبح ومن الصبح اخذت جنطتي ورحت وهو حاس فيني من كنت احضر اغراضي ومن وصلت البيت هلي قلتلهم انا جايه من وكت علشان ابي ارجع الدوامي وابي اروح لهم بس امي شافتني مو على بعضي بس ما قلت الاحد قلت اكيد بعدين يجي ويعتذر و ما ابي ابوي يدري تعرفون رمضان و الناس تعبانه واليله نفسه دزيت له رساله كان هو دازلي رساله من كنا مخطوبين حبيت اذكره بكلامه
صدقون ما جاوبني بس بعده بيوم جاوبني وقالي انتي اتفضلين اهلج علي روحي تعلمي شلون تعامليني و بعدين رجعي تصدقووووووووون

انا جاوبته وقلت له اوكي معناها انا لازم اقول الاهلي ليش انا راح اطول عندهم ما هتم ولا جاوب شي انا قلت حق امي وابوي وهو من كنا مكتوب كتابنه تعارك معه اهلي وصارت مشكله وقلت لهم خلاص ما ابي لان هو ما عنده شي اسمه احترام هو امه وخواته وحتئ خوانه ايخافون منه لان عصبي زياده عن الزوم وياما وياما انام ودمعتي على خدي واقول هذا نصيبي

على فكره امه اتحبني بس امه امسافره و ماتدري وهي انا صالي اربعت ايام بيت اهلي وهو ما يسال
انا من افكر اقول لو انا لساني طويل كان فيه مجال انو اقول مني و منه وصارت مشكله بس انا حتى دمعتي حبسته بين ارموشي وهو لعب ابابوي وكان كل يوم يتصل على ابوي ويقوله ها عمي شنو صار مع الشقه وابوي فديته كان صايم ويركض قبل الفطور على شان يتكلم مع صاحب الشقه وانا الفارسني من ايسولف عن السالفه يضحك بستهزاء

شنو رايكم بحالتي وشنو لازم اسوي بصراحه هو صغر ابنطري وكنت اتمنى يجينا طفل بس الحين اقول ما ابي لان هل ريال ما له امان على فكره هو اكبر مني ب 17 سنه و من انخطبت اله الكل ايقولي شفتي فيه اكبر منك وانتي احلا منه بوايد وانا بنت جامعيه والكل يعرفوني ويعرفون اهلي وهو الله يهدي ويهدينا لاصيام ولا صلاه وانا كنت احاول معه انو ايصوم معي ويصلي بس مافي فايده من طلبني من اهلي وسالنه عنه الكل قالوا انو هو من عايله طيبه