عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يارب مااعرف كيف ابدا الموضوع
حاسه اني مكتووووووومه ومهمووووومه
ومشكلتي مالها اي حل
بس على الاقل بفضفض يقولو الفضفضة تريح ❗
يابنات انا من صغري تعودت ان خالتي هي اختي وامي وكل شي
لان امي وابوي منفصلين من كنت صغيره
تزوجت امي من شخص ثاني وسكنت بعيد عنا والحين علاقتي معاها رسميه كتير لاني قليل اشوفها
بسبب ضروفها الصعععبه
تعودت على هذا الوضع بس جتني الطااامه ان خالتي ببتتزوج وتنقل لبعيد عنا
بغيت انجن من الصدمة بس مافي يدي شي وهذا مستقبلها ماابغى اوقفها
الحين بعد تعودت على الوضع الجديد الحمد لله
لاني اتواصل معها عن طريق المكالمات وغيره
بس مشكلتي الحين ان خالتي هي اللي كانت توفر لي كل احتياجاتي واموري الخاصه
لكن الحين ماعندي احد
اختي الوحيدة متزوجه ومشغولة مع عيالها وزوجها ومانشوفها غير وقت قصيير ومااقدر اقولها شي
ابوي مو مقصر معي بحاجه بس مهما كان يبقى هوا رجل ماراح يفهمني وماأتجرأ اقوله شي
يابناات والله والله تعبت من هذي الحالة انا محتاجه امور كثيره وانتم بنات مايحتاج اذكركم فيها
حتى ابسط واهم الامور مو متوفره عندي وماادري كيف اوفرها
اذا رحت السوق لازم ابوي يروح معاي وانا مااقدر اشتري شي وهوا معاي
ومن خوفو علي مايرضى اروح لوحدي في اسواق مختلطة
كنت اعتقد انو الاسواق النسائية هي الحل
بس كل اللي اعرفها عندنا في الرياض مو متوفر فيها كل حاجه
وكمان مافي صيدليات في الاماكن النسائية << افهموا قصدي 😥
الحين احس اني ضايعة مااعرف كيف اتصرف
تعبت من التفكير ومافي أحد حاس فيني
حتى دراستي انشغلت عنها بالتفكير في هذا الموضوع وانا في الثانوي ومحتاجه للدرجات
اعرف ان موضوعي مالو حل
بس قلت اجرب يمكن القى الحل عندكم
او على الاقل يمكن تعرفوا اسواق نسائية القى فيها كل شي
واللي ماعندها حل على الاقل تدعيلي ربي ييسر اموري ويفرج همومي
