تعبت وربي ابغى حل للنحف

بدون مقدمات انا وحده خلااااااااااااااااص طفشت من النحف ..۔

وزني 45 ومتزوجه وعندي ولد وبنت هيأتي ماتدل اني متزوجه لأني نحيفه من جد تحطيم كل من شافني قلي انتي لسه ماسمنتي ..۔ انواع التحطيم انتوا عارفين بعض الناس وسلوبهم بالكلام يقهر أنا ماعليا منهم

لاكن انا مايبان جمال وجهي الا لمن اتخن ماخليت شي ماجربته حلبه – عسل – الماش مع الحليب والموز
العسل بالمكسرات – اي شي يخطر فبالكم استخدمته

الحمدلله مامعايا فقر دم وتحاليلي سليمه بفضل الله..۔

الشي الوحيد اللي زاد وزني وفرحت فيه الحبوب الصينيه خلتني وحده ثانيه ماشاء الله لاكن يافرحه ماتمت لمن سمعت عن أضرارها تركتها ونزل وزني..۔

جبت من سوريا حبوب سبروفيتا من كم اسبوع جربت حبه وحده وربي خلتني كأني متعاطيه شي تاني حسيت اني دايخه ومافي اتزان وبس نايمه وراسي يوجعني مع انها الاصليه وزوجي حلف عليا ما استخدمها وجلست العلب عندي بدون فايده..۔

تعبت من الحبوب خلاص ما ابغى استخدمها ..۔

انا اكل ولله الحمد لاكن مايبان فيا وهذا شي قاهرني مرررررا

وربي اتحطم لمن وحده تقلي يووووه مرا نحفانه نفسي وقتها اطلع حرتي فيها خخخخ استغفر الله كأن الوحده ناقصه

كرهت استخدم اي شي من يومي وانا نحيفه ..۔

مرات أفكر ارجع استخدم الحبوب الصينيه لو فيها دمار ليا المهم اوصل للوزن اللي ابغاه..۔

بالله ساعدوني وادعولي اتخن من غير شر ويكون وزني مثالي..۔

أنا عارفه اني ماراح الاقي حل أبدا لاكن حبيت أفضفض لأن جسمي سار حقل تجارب وماراح استخدم شي

من جد متحطمه ونفسيتي تعبت من الشي هذا ..۔ اشوف ناس تسمن وتنحف وانا على حالتي ما اتغير

الحمدلله والشكر اللهم لا اعتراض ..۔ بس ادعولي تهئ تهئ لازم ابكي عشان اطلع اللي بقلبي