تعبنا نسكت وصمت المشاعر يحترق فينـــا ..

تعبنا للحزن .. نرضخ .. تعبنا للحزن ننقاد ..
تعبنا نمشي بذيك الدروب اللي تبكينا ..

تعبنا نحتضن هم السنين أو طعنتين جداد ..
وحنا من طعون الوقت فينا ما يكفينا ..

تعبنا نمتطي صمت الحروف وفي الشفاه أقياد ..
تعبنا نسكت وصمت المشاعر يحترق فينا ..

تعبنا من قساوتنا نحارب حبنا بعناد ..
نضيع بالبعد فرصه عمر وأحلام ماضينا ..

تعبنا ننتظر لحظة تلاقينا بلا ميعاد ..
نعيش بها سراب أحلام ما بلت ظوامينا ..

تعبنا حيل يالغالي تعبنا والقلوب بعاد ..
تعبنا من عنا فرقا تلوعنا وتشقينا ..