تعقيبا على موضوعي الاخير “اخيرا انخطبت لكن فرحتي ناقصه”

السلام عليكم
بالبدايه حابه ادعي من قلبي و اقول يا رب يا كريم يا حي يا قيوم احمدك حمد يليق بجلالك و عظيم سلطانك اللهم اني اسألك ان توفق و تسعد و ترزق كل من ردت علي بموضوعي الاول ايا كان ردها يا رب يفرح قلوبكم و يسلم يديكم فعلا وقفتكم معي تدل ان الدنيا بخير اشكركم من اعماق قلبي ولو ان وقتي ضيق كان وزعت عليكم شهادات تقدير وحده وحده هههه عسى ربي يجزاكم الف خير و جميع بنات المنتدى ما تدرون كيف الاجر و الفرحه لما تدخل فرحه على قلب مسلم و انت مرتاح ببيتك و وراء الشاشه لو اخلص الانسان النيه لله كيف بيكون الاجر الله لا يحرمكم الاجر>>>>معليش طولتها
ندخل بالموضوع
الحمدلله ان استخير و ربي يختار لي و يزيل الحيره من قلبي و يرشدني الصواب
بنات ابي اقولكم شئ فيه بنات ردوا ان انا ماديه و تفكيري فلوس
انا اخترته لخلقه و لدينه بس يهمني الكفايه و الغني من حاجة الناس
وعلى فكره انا ما شكيت و فتحت موضوع المهر انه قليل مره و موضوع انه ما في حفلة زواج ولا طقطقه مثل كل البنات لان هالامور تعتبر قشور و سطحيه عندي و كلها فتره و تعدي
بس موضوع الوظيفه و الراتب فيه فتح بيت و عيال و مستقبل
و برضو عادي ممكن اتحمل لما يرزقه الله اذا طيب و ملتزم هذا مناي
بس المشكله حتى شهاده ما عنده اول متوسط و وقف ما كمل
يشتغل على تاكسي ليل نهار و احيانا يحوش اقل من ال 3 الاف منها يسدد كهرباء و ماء و يشتري مقاضي بيت و علاج امه الله يحفظها . طيب وين يجي له وقت يكمل دراسته ؟
و فيه شئ كمان اني ساكنه بجده و هو ساكن بالخفجي يعني مسافه كبيره بينه و بين اهلي متى اقدر اروح لهم اذا هو مشغول كذا ؟
بس يوجعني قلبي لما افكر ارفضه حن قلبي عليه مدري بس سمعته زينه ويخاف ربه و صاحب مسئوليه و هذا كان مناي
ادري شوشتكم بس محتاره