تفاصيل من زواج اخوي بالصور

كان يوم الاثنين الماضي يوم لاينسى بالنسبة لنا لان في هاليوم زواج اخونا الغالي الله يحفظة والحمدلله عدى الزواج على خير ولله الحمد والمنة وبصراحة الزواج كان رائع ولازم يكون رائع لانة جهد ثمانية اشهر اخذ من وقتنا ومن تفكيرنا الكثييييييير طبعا كان اهم شي التنظيم والترتيب والتقديم وكان لازم نضيف افكار جديدة ومو مستهلكة فكانت فكرة افتتاحية الزوااااج وهي عبارة عن زفة هندية طبعا شخصيات العمل موجودة الله يبارك في بناتنا وسيناريو الزفات عبارة عن موال هندي في البداية وبعدة انشوووودة هندية وعلى فكرة يابنات زواجنا كان اسلامي يعني اللي حابة تستخدم شي من الروابط في الموضوع تتفضل اكملكم التفاصيل طبعا البنات نزلو على الموال وكان كل شي في الزفة باللوك الهندي بداية من ملابس البنات اللي هي طبعا سواري ومعاها الاكسسوارات والمباخر نزلت بنوتة صغيرة في المقدمة معاها سلة راح تشوفونها مع الصور فيها ورد تنثرة على الحضور وهي ماشية في الممر بعدها يجون بنتين معاهم المباخر الهندية وينزلون وراها ويوقفون على نهاية السلم بعدها كمان بنتين اول ماينزلون عطيناهم صورة العريس طبعا مزينة بالتول الاحمر والذهي شالوها البنات وحطوها على كرسي الكوشة وبعين نزلنا ثنتين معاهم بالسلل الهندية اللي فيها هدايا المعازيم وزعنا الهدايا على الحضور على صوت انشودة هندية عبارة عن مدح في الرسولوبعدين طلعنا وطلعو البنات ورانا وبصراحة كانت هالزفة اجمل مافي الزواج بعدها كانت عرضة شعبية لام العريس والعروسة وخالاتة لابسين جلابيات شعبية ومعاهم السيوف ورقصو على اغنية ترحيبية وبكذاكانت افتتاحية الزواج بعدهاتقريبا بساعة ونص سوينا زفة عصير اعذروني يابنات على الاطالة بس ;)حابة اذكر اغلب التفاصيل للاستفادة
اتركم مع الصور واتمنى من المشرفات تثبيت الموضوع للاستفادة اتفضلوا

هذة صورة الساري لابستة بنت اختي

هذا البرواز لصورة العريس

هذة الهدايا الهندية عبارة عن مكسرات معاها زجاجة فيها ورد مجفف وعليهاكرت الشعر خلفيتة صورة لتاج محل

هذا كرت الشعر

هذة روابط الزفات اولا الموال الهندي
________________.ra – 581.8 Kb

الانشوده الهندية
Jashan-E-Aamad-E-Rasool.ra – 1.2 Mb