عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قررت اني اقولكم عن مسلسل تجاربي في تفتيح الركب والاكواع
قبل سنه قررت واجزمت اني القى حل يبيض ركبي واكواعي ويخلي لونهم موحد مع
جسمي للعلم ان لونهم مو غامق كثير يعني مو سود بس لونهم مو عاجبي
فتحت المنتدى والقى موضوع عن كريم اسمه refer tough spots cream
وتحمست وطيران على صيدليه الدواء وشريته وانتظمت عليه احطه مرتين باليوم لمده
اسبوعين واكثر شوي الين خلصت العلبه وتحطمت ماشفت اي نتيجه
وصرت بس ارطبهم بكريمات
ومرت الايام وكان عندي موعد عند دكتوره جلديه وشكيت لها معاناتي قالت لي اذا
لونهم مو عاجبك الافضل تسوين تقشير وهو اللي بيفيدك الكريمات ماتجيب نتيجه هنا انا
خفت قلت لها عطيني كريم وبجرب انا وحظي
ووصفت لي كريم تبييض للركب والاكواع مرتين باليوم لمده اسبوعين
اسمه knee and elbow ligtening cream
وزاد حماسي واستخدمته وانتظمت عليه مرتين باليوم وبعد اسبوع وانصدمت
ان السواد بدأ يزيد وخفت وعلى طول رميته بالزباله حتى زوجي لاحظ قالي وشفي
ركبك مسوده ؟
وقررت اترك الكريمات والكسل واحل المشكله بالخلطات
قولوا ماشاء الله
تبارك الله
لا حول ولاقوه الا بالله
اول شيئ قررت ارطب المنطقه لان نصف علاج سواد الركب والاكواع هو الجفاف
وفكرت رحت لكريماتي واحترت وطاحت عيني على كريم فازلين واقي عقب القدم
وجاتني فكره اني احطه على الركب والاكواع علشان الينهم وصرت احطه يوميا بالليل
والبس فوقه الجزء العلوي من الشراب اقصه والبسه مثل مشد الركبه اكيد فهمتوني
وبالنهار اشيل الركب والاكواع بالحلاوه واحط كريم جليسوليد الاحمر
واستمريت على هالطريقه اسبوعين وبعدها وقفت فازلين واقي عقب القدم لان المنطقه
صارت ناعمه وبديت في جدول الخلطات اللي فكرت اسويها
اول شيئ جبت فازلين
ودهنت ركبي واكواعي بطبقه كثيره
وجبت مبرد الاقدام من بودي شوب
وصرت ابرد الركب والاكواع بشويش بحركه ناعمه وكل ماخلص الفازلين احط وابرد
وبعدين احط فازلين والف ركبي واكواعي ببلاستيك التغليف نصف ساعه تقريبا
بعدين اشيل البلاستيك وامسح الركب والاكواع بمنديل وبعدين افركهم بليمون معصوره
اكون رافعتها
وادخل اتروش بصابونه البابايا 4 في 1 
وواغسل جسمي افرك ركبي واكواعي فيها بيدي
وبعدين اسوي صنفره لجسمي واركز على الركب والاكواع بملح يوكو سبا
مع ليفه بودي شوب
واغسل جسمي وتنشفه وارطب جسمي بكريم مرطب الا الاكواع والركب احط لهم خلطه ثانيه
وهي خلطه انا مجهزتها بعلبه وهي :
1- كريم جليسوليد الاحمر
2- بودره جونسون للاطفال
3- كبسولات فيتامين E افرغ اللي داخل الكبسوله بأبره واخذ الزيت
4- جليسرين سائل 
اخلطهم واامسح على ركبي واكواعي بعد مااتروش وقبل ماانام
والحمدلله داومت على هذي الطريقه وشوي شوي راح السواد اللي سببه لي الكريم ومع
الوقت راح السواد اللي من قبل
واسوي صنفره لجسمي مره بالاسبوع من بودي شوب واركز على الركب والاكواع
وبس هذي معاناتي وحبيت اقولكم عنها واقتنعت ان الشيئ الي يجي بسهوله يروح بسهوله
ومن حملت بس مداومه على الكريم واذا ولدت برجع للطريقه مره ثانيه
