عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
مرحباا بنات كيفكم ان شاء الله الكل تمام ..
اول شئ ..:
صلوا على محمد صلى الله عليه وسلم
ثاني شئ …:
فيه كلمتين بخاطري من زمان وانا ودي اقولها لكم بس متردده وكل مره اقول بعدين
ابي قلووبكم قبل اعينكم تقراه ابي تقتنعون فيه وترسخون هالشئ في دواخلكم فديتكم ..
انا ماني من رواد هالقسم ومالي يومين صايره ادخله واقرا هموم البنات هنا والله يعلم اني ادعيل لكل وحده تطلبني وعلى مقدرتي
المهم
الشئ الي بقوله انا …
الحين ياغاليتي ياحبيبتي يالأرمله والمطلقه
وبالذاااات كلامي للي متأخره عن الزواج
الحين ليش الهم وتضيقين صدرك وتحسين نفسك اقل الناس وانتي مهمومه وضايق صدرك والدنيا مسوده بوجهك وحالتك حاله كل اكبر همك الزواج ..!
فيه شئ انتي لازمم تعرفينه
كل شئ بهالدنيا ممكن يكون لنا علاقه فيه وبتدبيره الا الزواج هذا شئ مالنا اي علاقه
الشئ هذا بيد الله
الشئ هذا بيد الله
الشئ هذا بيد الله
خلاص انتي وكلي امرك لربك وبس وارضي
يعني سبحان الله كل شئ بهالدنيا قضااء وقدر وهالشئ تأخرك عن الزواج او زواجك هذا كله ربي الي يقدره
يعني الحين انتي لاضيقتي صدرك وأكتأبتي وحالتك تبكي نفسك يعني هالأشياء بتجيب المعرس؟؟
لا والله يالغاليه
يعني الحين انتي قولي بنفسك هالشئ
رددي هالكلام بينك وبين قلبك انا مااقول لاتفعلين الأسباب لا ادعي وصولي واستغفري
لكن اقتنعي برضوا بهالكلام …
قولي الحين ليش انا مضيقه صدري؟ ليش مهمومه ؟ يعني لأني ماتزوجت الشئ هذا مقدر لي ومكتوب لي من عند ربي الله الي خلقني والي ربي كاتبه لي بيصير
وش بيفيدني تحسري وضيقة الصدر و و و الي انا فيها
خلاص هذا شئ وقدر مكتوب لي من قبل لانولد ومن قبل لاأكون
انا امري بأيد الله والي ربي كاتبه راضيه فيه
ابنسى الهم والحزن وضيقة الصدر والتفكير
والمقااااارنه بيني وبين اي بنت تزوجت
خلاص هي لها نصيبها وقدرها المكتوب لها
وانا لي قدري المكتوب لي
بستانس وبعيش وهالموضوع ماعاد بيضيق صدري ولاعاد بيحرك فيني شعره
انا بعيش مثلي مثل اي بنت تحتري العريس المناسب لها من غير اي ضيقه
وحتى لو تاخر نصيبي انا ماعشت ولاانخلقت لهالسبب صحيح اريده وادعوا الله وسيلبي الله دعائي وسيزوجني
احسني الظن بالله
يعني ادعي ووكلي امرك ووووبس انسيه هالموضوع لاتخلينه هاجسك
ولاتنسين ربي عاااادل في كل صغيره وكبيره ممكن والله اعلم انه لك أجر بهالتأخير هذا
صدقيني ماشئ يفوته ربي سبحاانه وتعالى
واصلا يعني ماتدرين ممكن هالشئ هذا اصلا فيه خيره لك لاتقولين وش الخيره اني اتأخر بالزواج لا ماتدرين
ربي الي خلقك وربي ابخص بنفسك منك
ربي ابخص بنفسك منك
والخيره فيما اختاره الله
اذا انتي مؤمنه وايمانك بالله قوي
ثقي بكلامي هذا ووكلي امرك الى الله واعرفي الله في الرخاء يعرفك بالشده
واي وحده مهمومه او تبي الزواج بسبب مشاكل أهلها او فلانه عيرتها او جدعوا عليها كلمه
الي يقولك شئ لاتردين عليه ناظريه بكل ثقه وطنشي
وعمر راسك لاينزل الأرض بسبة هالموضوع
يعني انتي ماتزوجتي بدري ومتأخره عن الزواج
افضل من وحده معدوومة اخلاق وتعيرك بهذا الأمر صح والا لا؟؟
والله هي ا السيئه وانتي بالعلو
انتي افضل منها بكثيررر
وهي من يلزمها ان تنزل راسها الأرض مو انتي
او ان حبيتي تردين قولي كل شئ بقضاء الله ولا اعتراااض صدقيني انتي الكسبانه
اما انو تنكسرين وتضيق صدرك ومدري ايش هذا لا واكبر غلط
صحيح انتي انسانه ولك مشاعرك واحاسيسك الي تنجرح بس لازم تكونين قويه خاصه انك ماسويتي شئ عيب وولاحرام
هذا قضاء وقدر وانتي رضيتي فيه …
وبس هذا الي كان بخاطري والله وحده يعلم اني ادعوا لكم ربي يفرج لكم همومكم ويرزقكم بالأزواج الصالحين التقياء الأنقياء الي يسعدونكم دنيا وآخره يارب ويحققون لكم ماتمنيتوه وماانحرمتوا منه
عآآآجلا غير آآجل ياكريم …
وبالنهايه اسمحولي ان كنت اخطأت او بدر مني شئ يزعلكم لكن والله ماقلت هالكلام الا لأنكم مثل خواتي واعز
ربي يسعد قلووبكم دنيا وآخره ويوفقكم ويستجيب مادعيتوه ان كان به خير لكم يااارب…
لاتحرموني دعواتكم بالتوفيق وان يجيب دعائي ويعطيني سؤلي
ويحقق لي مااتمناه والجميع يار ب
…
استغفر الله الذي لااله الا هو الحي القيوم واتوب اليه
استغفر الله الذي لااله الا هو الحي القيوم واتوب اليه
استغفر الله الذي لااله الا هو الحي القيوم واتوب اليه
..
