تقهر تقهر .. تبط الجبد ..

السلام عليكم ورحمة الله وبركاته..

بنآت يمكن تشوفون سآلفتي سخيفة ..

بس صج مقهورة منها صار لي يومين ..

مآراح أقول السالفة كلها بس المهم..

إن وحدة ف المدرسة معاي .. زميلة يعني مب صديقتي ..

قهرتني .. عشان شي سخيف وضربتني على يدي .. وقعدت تستهزىء

وهي أبدا وأأكد لكم إن مالها حق ولا واحد ف المية إنها تسوي اللي سوته.. ومهيب ميآنة معي ..

المهم أنا ما اسوعبت شي اللي بعدين..

ويوم رجعت البيت تذكرت جملتها اللي قهرتني ..

انقهررت والله .. وتحسون من ضربتها المفاجأة انها محترة مني من قبل ولقت الفرصة تبرد حرتها ..

اليوم الثاني كنت بروح أكلمها بس ما داومت هي ..

يمكن لين تقرون كلامي تحسون وحدة ف ابتدائي لأني قاصدة ما أكتب تفاصيل وايد ..

بس حطووا نفسكم مكاني وحدة ما سويتي لها شي تجي تضربك وتتطنز وتحسينها منقهرررة منك..

والمشكلة يا بنات أحس هالأيام ف المدرسة بنات وايد يتعرضون لي بالكلام و يتسببون علي ..

وأنا والله إني وحدة ف حآآلي ولا أعيل على حد .. والمشكلة ما أعرف أرد بسرعة لأن ما أظن إن الناس

يطلع منهم هذي كله ومب أخلاقي إني ألاسن الناس .. المشكلة عصبيتي كلها تطلع ف البيت..

أحس هذي ابتلاء واختبار لي من الله سبحانه وتعالى .. بس منقهرة من ذيك البنت وما أقدر أسكت..

شسووي ..؟

أكلمها..؟ وإلا أسكت وأقصر الشر ..؟

و إذا تسببت مرة ثانية أرد عليها ..؟ أنا ما أبي أسكت عشان ما تتجرأ علي مرة ثانية ..

والمشكلة إني إذا سكت كل ما أشوفها بنقهر .. أعرف نفسي ما أنسى بسرعة ..