عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
صباح / مساء الخير
بنات الله يجزاكم الجنه ياليت تساعدوني و تعطوني حل اوتسئلون امهاتكم و تردون علي طلبتكم
السالفه اختي متنومه من يومين بالمستشفى معاها نزيف وزايد عليها
هي حالتها قبل شهر كانت حامل بتوئم و هو اول حمل لها و توفى واحد و انفتح معاها الرحم و سقطتهم كلهم و الثاني كان صغير و ماتحمل الطلوق و ماتوا اثنينتهم
الله يعوضها الصالح يارب كانت نفسيتها مره زفت بس الحمد لله رضت باللي الله كاتبه
وسوت لها الطبيبه تنظيف وطلعت عند ماما و الدم اللي معاها متوسط الا خفيف
و لما كملت شهر عند امي رجعت مع زوجها عشان الدراسه و برضوه هي سقطت باخر اسبوع من الامتحانات
و رجعت للكليه يسوون لها جدول جديد تختبر المواد قبل ما تبدا الترم الثاني
الموووووووووووووهيم يابنات المشكله قبل يومين عندها موعد مع الدكتوره تبعها
وكانت قبلها بيوم تحس بالالم الظهر و تفاجات ان الدم نزل بكثره قال زوجها يمكن موعد دورتك الشهريه
عشان ما تقلق و يوم راحت لطبيبه سوت لها اشعه قالت لها انه فيه باقي دم متجمد ما نزل بس تقول الدكتور مره صغيره
و تنومت بالمستشفى و خيروها بين التحاميل و الا يعملوا لها تنظيف و زوجها قال لا تحاميل خاف انهمع التنظيف يجرحون له الرحم
الموهم عطوها البارح باليل تحاميل الساعه 7 و ما نزل شي و رجعوا عطوها الساعه 2 بالليل و ما نزل شي
و رجعوا عطوها الساعه 8 الصباح و للحين ما نزل شي و هي خايفه مرررره لان كثرة التحاميل مو زينه للرحم
و خايفه و جالسه تبكي و جت عندها الدكتوره و قالت خلاص بعد الظهر تسوين اشعه ونشوف نزلت و الا باقي
بنات تكفوووووووووووون طلبتكم عطوني رايكم و نصايحكم وش تسوي
لان امي تقول اطلعي عندي بالبيت و انا اعطيك قرفه و زنجبيل لحد ماتنزل و يخف معاك النزيف
و زوجها يقول لا اخاف يتكتل بكميات كبيره و يسوون لك عمليه
و هي محتاره و الله قفلت من عندها تبكي و حاولت اطمنها و قلت كثري استغفار و اذكري ربك
ابي رايكم و نصائحكم ياللي مجربات هالشي و الله يبعد عنكم كل سؤء و يحفظكم يارب
و آسفه اذا هذا القسم الغلط يا مشرفات
