عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنات انا ما كتبت هنا الا لاني مرررررررررررررره ما لقيت حل
ما قدرت ما قدرت
المشكله انو اخوي في اول متوسط
متعبنااااااااااااااااا ما يسمع الكلام ابدا ابدا
مجننا فيه فرط حركه
وكلامه غير مهذب ابدا
ومجنن امي وامي مره تعبت حتى الدراسه ما يهتم لها ولا شي
وامي خلاص ماقدرت تتحمل واستسلمت ما عادت تقدر تسوي شي
يطلع من البيت ما يستأذن ويطول لسانه علينا ومافيه اي احترام
جربنا معاه كل الطرق
ضرب وضربناه ماااااااااافي فايده
وتشجيع شجعناه اخوي الكبير يقول له اذا نجحت بعطيك اللي تبي وانا قلت له اذا جبت ممتاز بعطيك 500 ريال
بس مااااااااااافي فايده
مجننا لو جا وقت النوم وندخله الغرفه كل شوي يطلع ما شربت مويه ما ادري وين كتابي ما ادري وين شنطتي بروح حمام وعلى هالحاله لحد 12 بالليل
اتبعت معاه اسلوب جديد قلت يمكن ينفع معاه
دخلته 7 ونص
وطبعا نفس الحركات ما ادري وين دروسي ابي اروح اشرب مويه وهالحركات
قلت له لك عشر دقايق تسوي اللي تبي بعدها تروح حمام تدور دروسك اي شي بس بعدها اذا ما دخلت الغرفه بعاقبك
بس ما فاد
بعد عشر دقايق طلع اول مره ضربته وطلع ثاني مره وعاقبته ما يطلع اربعاء وخميس
ولما جا الاربعاء ما سمع كلامي وطلع وعديتها له لانه رايح المكتبه يشتري شنطه
ولما جا الخميس قال بطلع ماني جالس البيت لحالي قلت له لا مافي طلعه انت معاقب
ويهاوش والله مالي دخل مو على كيفك ماني جالس بالبيت لحالي
رحمته وقلت له خلي اصحابك يجون عندك
وقام يصرخ علي وعصبت
قال بروح اجيب صاحبي قلت لا
هو يجي قال ما عندهم سواق وامه ما تخليه يطلع لحاله قلت وانت اهلكمعاقبينك ما يخلونك تطلع
وتغافلني وطلع ولما جا جايب معاه عشاء من برا هاوشته وقلت له عقابك انك تدخل غرفتك وما تطلع منها
وعيا يدخل يقول والله ما ادخل والله ما ادخل مو على كيفك قلت له عقابك ترا بيتضاعف اذا عاندت قال بالطقاق
مااااااااااااافي احترام
بالله دلووووووووووووووني على اخصائي نفسي مختص بتربيه الاطفال مع انه مو طفل
ولا تقولون فترة مراهقه لانه من زمااااااااااااااااااااان وهو كذا
من زمان كل الابتدائي وهو كذا وللحين مستمر وكل هذيك الفتره واحنا نحاول بس مافي فايده
بالله اللي عندها حل تقول لي وقولوا لي وشو العقاب اللي اسويه له لاني احس خلاص مادري وش اسوي
منعته من الخروج من البيت يتغافلني ويطلع وما يحسب لي حساب وابي احبسه بالغرفه ماقدر عليه وهو ما يطيع
وسحبت الجوال منه ولافي فايده
وقولوا لي وش اسوي وشو العقاب لاني قلت له لما طلع بدون لا يقول لي بعاقبك عقاب كبير وتشوف
شوروا علي وشو العقاب
وكمان تكفون دلوني على اخصائي تربيه تكفوووووووووووووووووون تعبنا تعبنا
