تكفون يالغاليات دعواتكم لبنتي خلاص بنجن

والله يابنات ابغى افضفض لاني خلاص بيجيني حاله نفسيه

من بنتي تخيلو يابنات من يوم ولدت وانا معاناه معها غيرت

حليبها اكثر من مره خذيت فيتامينات وفاتح شهيه ولافادها

شي عرضتها للشمس نفس الشي حنكتها وكويتها في

صدرها ماخليت وصفه ماسويتها والله ذبحتني بالترجيع

والمشكله ماتاكل شي الفواكه ماتعرفها والشوفان ماخذت

غير مره او مرتين حاجه بسيطه مررررررره والله يابنات ثم

والله انها من يوم صحت الظهر الى الان وهي ماغير رضاعتين

حليب 120مل بس ابغى اعرف غريبه لسى عايشه من يوم

هي صغيره وانا افكر كيف تتحمل تجلس وبطنها فاضي الله

يعين يارب طبعا ماابغى غير دعواتكم لاني يئست ماعاد

عندي شي اسويه وكلت امرها لرب العالمين طبعا عمرها

سنه وتوها مالها اسبوعين وهي تحبي ولافي امل تمشي

الا بعد طلوع الروح والله يابنات اني ماعمري نمت وانا مرتاحه

والله ماغير ابكي عليها طفشت ابغى اعيش زي العالم

والناس من اشوف عيال الناس ماشاء الله الله يحفظهم اكره

نفسي واكره كل شي واقول ليش بنتي غير ليش سويت كل

شي ولا فادها خلاص ماعد بروح مستشفى ولا طب شعبي

ولا عاد علي منها تاكل والا لا لاني خلاص قربت انجن

آآآآآآآآآآآآآآه ما عمري مر يوم وانا انبسطت منها الا يمكن

يومين من يوم ولدت كل يوم اقول بتكبر وتتغير ولكن للاسف

طلعت احلم بس لكن اسال الله العظيم انه يشفيها يارب لا

تضيع تعبي حملت وتوحمت وحم ماظن حدا توحم زيي

استغفر الله ومتغربه عن امي وهي تعبانه وولدت ولاده

صعبه بعيده عن امي وربيت وتعبت وانا لسى صغيره تزوجت

عمري 17سنه الله يعين يارب لاتضيع تعبي وتكتب اجري انا

مااعترض على حياتي الحمد لله احسن من غيري لكن

مااقول غير يارب بيدك تغيير الاحوال انك تغير حال بنتي للاحسن اللهم امين 😆 hy:

تكفون لي طلبات ابغى اعرف كم المفروض يرضع الطفل

بعمرها في اليوم وايش ياكل وضروري ردو علي كمية

الخضار المسلوق كم تكون يعني الوعاء نفسه لاني اخاف

اني اكثر لبنتي عشان كذا ترجع مع انه اشوفه صغير جدا

بس عشان اتطمن وكم مفروض وزنها يكون تكفون قولو لي

يعني وش المفروض تكون تغذية الطفل الي بسنها في اليوم

واخيرا اطلبكم انكم تدعون لها يا اخوات دعوة اخيك المسلم بظهر الغيب مستجابه ان شا الله لاتنسوها تكفون حتى في

الصلاه صحيح ماتعرفوها بس تذكروها تكفون والله تعبت حتى