تكفوووون ساعدوني.. الأرق ذبحني ..

ياأخواتي انا عندي مشكله قد تكون في نظر البعض بسيطه لكن يعلم الله انها قالبه يومي كله اكتئاب وطفش..

حبيباتي انا بكريه والده من شهرين وماشاء الله ولدي نومه منتظم ..من الساعه 12 الليل ينام نوم متواصل للظهر تقريبآ مايصحى الا للرضعه ..

المشكله انو بالوقت اللي يكون ولدي نايم لو ايش ماأسوي مايجيني النوم ..لدرجة اني اخذت حبوب منومه ورب البيت مانمت الا ساعتين ..

حاولت بجميع الطرق حتى غيرت مكان نومي مافي فايده ..

وطبعآ طول اليوم أكون متنكده وحالتي حاله ..ماأقدر أقوم ببيتي ولا بزوجي من التعب والارهاق ..

زوجي دايم يساعدني بس انا اخاف يطفش وانا وربي ملييييت من هذا الوضع .. ومو عارفه ايش اسوي..

أحيان اذا اشتد علي التعب أنزل ولدي لأهل زوجي وانا العصريه ساعتين لكن مو معقول كل يوم انزله وانام العصر .. ابي انام مثل الناس بالليل وأقضي النهار مع ولدي وزوجي تكفوووون ساعدوني..