عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يا قلب لا تشره على كل مخلوق
كلن يشوف الناس بعين طبعه
قلــــبي و اعــرفه ابيـــض اللـــون
لا يجرح صاحبه و لا يخون ربعه
بنات انا قلبي صافي و طيب و اعامل الناس بطيب اصلي
بس صار معاي موضوع اليوم كدر خاطري و عفسني و محتاره شلون اتصرف بكره
يا طويلات العمر الموضوع و الموقف صاير معاي اليوم بالدوام
وحده من البنات اللي معاي علاقتي فيها حيل حلوه و هي من نفس القبيله و علاقتنا من احسن ما يكون و الكل يحسدنا عليها
المهم سلمكم الله هي صارلها فتره نفسيتها تعبانه من مواضيع كثيره فامس قالتلي انها تبي تطلع من الدوام لانها تعبانه و قلت لها الله معاج ما تشوفين شر و طمنيني
هالكلام على اساس انها رايحه البيت
اليوم انا تعبت بالدوام مو نايمه و حاشني صداع فقلت بطلع بستئذن من الدوام و بروح البيت اريح
و هي ماكانت موجوده الصبح ماخذه اسئذان ما جات الا عالـ10 تقريبا و انا بهالحزه كنت بطلع بس بقعد معاها شوي و بروح عاد وحده من البنات نادتني تبي تكلمني بموضوع
هالبنت طيبه و حليوه و على نياتها
قالتلي يا فلانه انا احبج و اغليج بس امنتج امانه الكلام لا يطلع برا اتمشكل مع البنات قلت ابشري و انا ما احب المشاكل بس شصاير
قالت لي فلانه اللي انتي ناطرتها تدرين امس وين كانت
قلت وين
قالت فلانه (( وحده من البنات )) طلعت معاها و راحو مع بعض <<< انا عادي كيفهم يطلعون مع بعض على راحتهم كل شخص حر …
قلت اوكي زين
قالتلي انتي امس دزيتي لها تقولين لا تنامين علشان لا تطوفج البصمه قلت اي صحيح هالكلام
قالت هي تقول للي معاها يوه ذرى كل شوي تدز لي لا تنامين لا تنامين <<< كأني مناشبتها كأن سؤالي ضايقها كأني لوعت كبدها بالسؤال مع اني ما قلت لها الا مره او مرتين …
انا هني انصدمت حيل انصدمت
انا علاقتي معاها من اروع ما يكون و الكل يمتنى تكون علاقتهم مثل علاقتنا و دايم طلعاتنا مع بعض و سوالفنا مع بعض لما نغيب نغيب مع بعض و نستئدن مع بعض
انا محتاره شسوي
مابي اكون طوفه هبيطه للبنات و لا ابي اظلم البنت
اخاف السالفه انتقلت من لسان لي لسان و تحورت السالفه و يمكن يكون وحده من اطراف السالفه تبي تفرقنا لانهم حسو اني خذيتها منهم
و مرات اقول يمكن صح هي قالت
دخت و انا افكر من هالموضوع نفسيتي اليوم زفت من يكلمني احد دمعتي تصير على خدي
و لا هذا اخر ما تصورته و توقعته
ما ادري اواجه البنت اخاف تكون صج قالت هالكلام و اكيد و 100% راح تنكر هالشي او اواجها بالبنت الثانيه اخاف اللي علمتني تتمشكل بالموضوع و لا ابي لها المضره
تكفون قولولي سشوي و ربي تعبت
و سوري اذا كلامي في بدليات لاني بسرعه اكتب و ماني قادره اجمع افكاري اذا كلامي متلخبط 😀
