عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عندي لك تمارين تشيل الجوانب والمؤخرة بس لازم تستمري عليهم يومياً وطريقتهم سهلة جداً وراح تلاحظي الفرق بعد عشرة أيام وأنا مجربتهم شخصياً بس لازم تتبعي نظام ريجيم قبل كل شي لأن التمارين لوحدها ماتسوي شي إذا اكلت طبعا اكثر من حاجتك.
للجوانب :
وانتي واقفه ميلي بأقصى درجة ممكنة ناحية اليسار واليمين سوي هذا التمرين على الأقل مية مرة في اليوم.
وفي تمرين ثاني وانتي مستلقية على جانبك الأيمن أرفعي رجلك اليسرى برضو إلى اقصى درجة ممكنة إلى أعلى ونفس الشي لما تستلقي على جانبك الأيسر ارفعي رجلك اليمنى إلى أقصى درجة ….. كرري التمرين مية مرة لكل رجل في البداية راح تلاقي صعوبة وماراح تقدري تسوي التمرين لكن بعد فترة تلاقي نفسك تلقائياً تسوي التمرين يمكن أكثر من مية مرة لكل رجل .
للمؤخرة:
اجلسي على الأرض مثل وضع الطفل لما يحبي يعني منتصبه على رجليك ويديك وارفعي رجلك اليسرى إلى الخلف وهي في وضع زاوية ثم ارجعيها إلى الأمام كرري التمرين مية مرة لكل رجل .
وفي تمرين ثاني برضو للمؤخرة وانتي واقفة انحني بكل جسمك إلى أسفل يعني ضعي يديك على قدميك وارفعي نفسك وكرري التمرين مية مرة.
((منقول))
