تمارين مصورة لشد ترهل الصدر(((حقيقة علميه)))

اخواتى الاعزاء حبيت النهاردة اجيب لكم موضوع حلو ومتكامل ياذن الله ومقنع غير الخلطات والكلام الفارغ اللى بنتوهمه اولا هنحط صورة للثدى ونشرحها ونشوف ازاى هنوصل مع بعض لنتيجة بعد الشرح

بسم الله نبدا

زى ماانتوا شايفين فى الصورة الجزء الظاهر من الثدى هو عبارة عن غدد دهنيه وغدد لبنيه ولا يوجد به من الخارج اى عضلات يعنى مستحيل باى حال من الاحوال انك تشديه من الخارج لا بخلطة ولا بكريم ولا بالنصب اللى بنشوفه
ده مبدئيا علشان نكمل كلامنا يعنى لازم علشان تشدى صدرك يكون الشد من الداخل من العضلة اللى هى خلف الغدد الدهنيه واللبنيه

طيب نيجى بقى للتمارين اللى مفروض هنقوم بها علشان نشد الصدر اولا يا بنات هى تمارين سهلة جدا ومش محتاجة مجهود ولا جرى ولا غيره وهتعمليها كمان وانتى نايمة على ضهرك يعنى ممتعة ومسليه وهتكون احب تمارين لكى

التمرين الاول

وزى ما انتوا شايفين التمرين شارح نفسه هتنامى على الارض وفى ايدك اى تقل وترفعى ايدك على جسمك بشكل عمودى وتفتحيها وتقفليها على اد ما تقدرى وكل مرة تزودى العدد التمرين ده مرتين بس فى الاسبوع ولو عمليته صح هتحسى بعد يوم واحد بوجع تحت الابط دليل على بداية تحرك العضلة

التمرين الثانى

زى ما انتوا شايفين بردوا نوم على الضهر والارجل مثنية قليلا ومنفرجة ولكن احذرى ان تقومى به بعنف لانه ممكن ياتى بنتايج عكسيه ونفس الطريقة بتاع التمرين الاول من حيث العدد

التمرين الثالث
يشابه تمرين الضغط الذى يقوم به الرجال ولكنه اخف ومع شد المؤخرة وهو الاسرع من حيث ظهور النتيجة ولو استمريتى عليه هتحسى بالنتيجة بسرعة

وفى النهاية اتمنى لكن الاستفادة من هذا الموضوع وتحياتى للجميع وارجو الدعاء فقط لا غير
نوجا28

منقول