تمشيتوا واستانستوا انا مثلكم بس وش اللي اشوفه هناك؟معقول!تعالوا وتعرفوا السالفه

بسم الله الرحمن الرحيم
السلام عليكم ورحمة الله وبركاته
كيفكم يا حلوات
اعتذر لكل وحده ارسلت لي على الخاص او عن طريق رسائل الزوار وما رديت عليها
ولكن والله المنتدى ما يفتح معاي الا بالموت ومره مره ثقيل
الظاهر بسبب كثرة تواجد العضوات في الصيف
حتى لما ابي اجي ارد على اللي يردون في مواضيعي الرد مو راضي ينزل الموقع مره ثقيل
على العموم يا حلوات
اكيد مستانسين في الصيف ماشاء الله
بحر
اسواق
ملاهي
وغيرها
واكيد تمر عليكم حالات كثيره
تستغربون لما تشوفونها
راح اقولكم وش شفت وربي حسيت ان شعر راسي شاب
ما بحدد منطقه معينه راح احدد كم منطقه زرتها
علشان لاحد يقول انتو عندكم وحنا ما عندنا
كل بلد وفيه بلاوي ومصايب
مافي منطقه مختصه بشي ومنطقه لا
بقولكم وش مر علي في الصيف وغيره
مره رحت مجمع الظهران
شفت العجب العجاب زي ما يقولوا
بنات صغيرات في السن ومسويين تسريخات اللهم لك الحمد
شفت بنات لابسين عبايات مخصره وانا متأكده انها من كثر ماهي مخصره اتحدى لو تكون لابسه شي من تحت الا الملابس الداخليه ولو كانت مو بحاجت الملابس الداخليه كان فصختها بعد حتى هي
لأن اساسا مافي شي يستحمل انها تلبس شي تحت عبايتها من كثر ماهي ضيقه
كل شي مبين الله المستعان بس
اللحين صارت العبابه طقم مع الشنطه والجزمه اكرمكم الله
…………………………………..
دخلت قسم المطاعم
شفت بنات ماشيات جنب بعض ومن كثر ماهم لاصقين ببعض شوي ويدخلون داخل بعض ههههههههههههه فهمتوا شي
والله بنات صغيرات ما يتعدون 12 سنه بعضهم
شفت بنات حاطين اللثمه وفوق رووسهم الظاهر كنب البيت علشان يصير البف على اصوله
خلصنا من التسوق وطلعنا
وحنا نتتظر السياره
جو مجموعة شباب صغر اتوقع اعمارهم ما تتجاوز 15 سنه مبين عليهم
قالي واحد منهم تكفين تكفين دخلينا وراح اعطيك 100
ما رديت عليه قال 200
ما رديت وطنشته قال 300
قلت انقلع لا اكفخك اللحين
وطار وجلس ينتظر وحده ثانيه علشان يدخل
طبعا هو سعودي
جت وحده من جنسيه عربيه متحجبه على طول ركض وراها وقال لها ماما ماما هذي ماما يقول لحارس الامن هههههههههههههههههههههه
بس الحارس طرده
اجل بدال الوحده ما تشحت تروح عند هالبوابات وبيجيها فلوس (شي عجيب شباب اخر زمن )……………………..
رحت ايكيا اللي في جده
شفت عبايات شكلها موضه جديده
الاكمام زي موديل البف مدري صح وصفي والا لا
لا وبعد طلعوا موديل حوامل
شريطه اسفل الصد وفيونكه ههههههههههههههه اللي حاطتها مخمل
والا حاطتها كلها كرستلات تلمع كنها بعرس
والاكمام ضيقه لين عند الكوع وبعدين تجيك واسعه ( وصفي زفت عارفه )
ولما خرجنا من ايكيا لقيت وحده والله العظيم مصيبه جايه الاخت مع سواقهم
انفتحت عباياتها لابسه قصير
لفت علشان تركب كل شعرها من ورا طالع شبقيتي يا اختنا في الله كان فصختي وارتحتي احسن مو الديموقراطيه بدت تنتشر………………..
رحت حديقة الملك فهد بالطايف الخميس اللي فات

اختكم في الله أم البتول 2006
على سن ورمح