عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم :
طبعا تابعنا خبر الإفراجات المتكرره عن عدد من رموز النظام السابق … و ضباط الشرطة المتهمين بقتل المتظاهرين في السويس و اللي أثار غضب إهالي السويس بشده في الأيام الماضية …
أول المفرج عنهم زكريا عزمي الرئيس السابق لديوان رئيس الجمهورية و خرج بكفاله 200 الف جنية !!!!
ثم سوزان مبارك بعد تنازلها عن 23 مليون جنية !!!
ثم الآن و امسكوا أعصابكم بطرس غالي وزير المالية في النظام السابق و الهارب أصلا خارج البلد …!!!!
و من الذين تم الإفراج عنهم أحمد مغربي وزير الإسكان السابق … المتهم بالتربح من منصبه و ببيع أراضي الدولة بثمن بخس لشصيات كتير …!!!!
و طبعا …وزير اعلامنا السابق انس الفقي !!!
فيما وصف بمهرجان البراءه لرموز النظام السابق ..
انا حتكلم عن نفسي و بمنتهى الصراحة … منتهى الاستهتار بمشاعر الناس … هما اكتر من أي حد عارفين الناس دي سرق اد اية و تربحت من البلد … ازاي يخرجوا من غير حتى ما تترد الفلوس اللي سرقوها … المحكمة تقضي ببراءة جميع المتهمين علي الرغم من أن أحمد المغربي وياسين منصور قدما طلبات للنيابة بدفع 370 مليون جنيةو رفضت النيابه الطلب ؟؟؟
أومال الثورة قامت لية ؟؟؟؟؟؟؟؟؟؟!!!!!!!!!!!!!!!!!!
و بكده اعتقد … عند ائتلاف شباب الثورة الف مبرر … لدعم استمرار التظاهر و الإعتصام
محاكمات شكلية … تخلو من كل مضمون إلا ان الشعب ينام و ينبسط انهم في السجن و بعدين يطلعوهم بعد ما يمتصوا غضب الناس و مش بعيد بكرة يطلع الباقي براءة و يطلع الغلط من الثوار نفسهم هم اللي حرامية و سرقوا و نهبوا البلد !!!!!!
هل صحيح ان ده بسبب عدم وجود أدله كافيه للإدانه و لا بسبب تراخي من الأجهزة و تساهل و لا بسبب بعض الضغوط الخارجية العربية خاصة ان احد الوزراء اخوه يحمل جنسية عربية و له صلات متعدده و لا اية بالظبط ؟؟؟
وقع الأخبار دي عليكم عامل ازاي …؟؟؟
