توحيد تلمعيع تفتيح تنظيف ترطيب البشره // كله في واحد

كيفكم بنات

انا دايم احوس بالمنتديات وادور على هالخلطات ابي الزين

كود تشوفي حدا هالعجايز وتخطبني وتفك اهلي مني ➡

وكل يوم بخلطه الي تسوي لي حساسيه والي ما اشوف نتايجها واتركها

والي تعفن وتخيس وهي ما خلصت

والله خساير فلوس على الفاضي

وانا من النوع الي احب النتيجه سريعه ولا امل واوقف

الموهيم قريت هالخلطه ماليه المنتديات واكيد كلكم قريتوها

بس نتايجها خطيييييييييييييره

هي اول شي توحيد لون الجسم نعومه خياليه لمعه وصفاء في البشره

وتفتيح بس طبعا ما تخليك لمبه تفتحك على لون جسمك

بس عن جد خطيييييييييييره والكل لاحظ التغيير في لون يدي ورقبتي وحتى ممتازه للبشره

نتيجتها بتلاحظينها من اول يوم تحسينها تنظف

بعد اسبوعين بتشوفين فرق كبير

انا استمريت عليها 3 شهور صراحه شي خيالي انا اناظر جسمي مو مصدقه الالوان الي في الركب والاكواع

((والي بالي بالكم )) حتى الاصابع

ولا في نيتي اتركها والعروس تستخدمها قبل زواجها ب 5 شهور بتلاقي النتيجه الي تبيها بلامراكز بلا خرابيط

الخلطه هي:
*صابونه غار مبشوره ومنقوعه بكأس بمويه ورد ليله كامله
*علبتين كبيره كريم جليسوليد الاحمر
*فنجان زيت لوز حلو
*فنجان زيت زيتون
*فنجان زيت خروع
*علبه فكس صغيره
* علبة فازلين صغيره .
* 3 ملعقة كركم جسم (( مو حق الاكل لانه يخليك صفرا 😉 ))
*علبه زيت جلسرين

اخلطوها في الخلاط وحطوها في علبه

الكميه بتطلع كثيره مره يعني بتكفيك شهرين تقريبا

حطيتها في علبة عصير تانج وفي الثلاجه

استخدميها يوميا قبل الشور بساعه ولو تحبي خليها اكثر

انا احيانا استخدمها كل يومين اذا ما فضيت

وخصصي لها لبس معين لان ريحتها مو زينه حيل

حبيت انقل لكم تجربتي وان شاء الله تستفيدو منها

تحياتي