عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم ياقمرات .۔
اخيرا شديت الرحال امبارح وقررت اعمل التورته العجيبه 😎 بما انى وعدت هموس انى هشارك
فقلت لابد بقا اشارك وخلاص ورزقنا على الله فالمقادير يااما تتاكل وتبقا اوكى ياطريق السلامه انا وهى 
بس الحمد لله طلعت معقوله بما انى اول مره اعمل تورته اصلا وسامحونى بقا لو هبلت فيها حبه
واخترعت شويتين 😛
المقادير للكيكه الاولى ” اصلى عملت اتنين” 😀
4 بيضات
نص كوب دقيق
نص كوب سكر ناعم
معلقه كبيره بيكنج بودر
فانيليا
رشه ملح
دى للكيكه البيضا ودى مقادير فيرو وطلعت روعه 
الطريقه ::
فصلت الصفار عن البياض
وضرب البياض مع رشه الملح
وضربت الصفار مع السكر مع الفانيليا
وضفت الدقيق مع البيكنج بودر على الصفار على خمس مرات كده وقلبت براحه علشان الهوا
وبعد متماسكت ضفت البياض بالتدريج
وعلطول حطيتها فالصنيه بعد مدهنتها حبه بسيط سمنه ودقيق
وطلعت كده وكانت طريه جدااااا 
وعملت واحده تانيه شيكولاته
وبدأت اجهز الحشو
بندق مفروم – بندق حبات
كريم شانتيه مخفوق
خوخ كمبوت
عصير الكمبوت
بشر شيكولاته
طريقه الحشو
اولا جبت كل كيكه وقسمتها 2 يعنى بقا عندى 4 طبقات الطبقه الاولى البيضا
حطيت عليها مايه الكمبوت زى مالسكره ملوكه عرفتنا
وبدات بقا اغطيها بالكريم شانيته وطبقه بندق مفروم مع قطع خوخ
وحطيت تانى طبقه وكانت شيكولاته وغطتها بنفس الطريقه
وهكذا الطبقتين الاخيرتين بقا واخر طبقه ضغطت عليها بايدى جامد علشان الاربع طبقات تتماسك
وقطعت الزوائد وغطيت كل التورته بالكريم شانتيه وزوقتها كده
قلت اوريكم شكلها من جوه
طبعا مفروض كنت اجمد الكريم شانتيه شويه فالتلاجه بس مخدتش باللى غير بعد
مخلصت صراحه 😆 idea:
معلش بقا انا مش شيف حلويات ولا حاجه اهى اول مره وبجد ميرسى ياهموس
انك شجعتينى فعلا ليها طعم تانى فالبيت 
فى امان الله 
