عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم و رحمة الله و بركاته
كيفكم يا أحلى فراشات …. 
استفدت من مواضيعكم كثير و قلت لازم أفيدكم أنا كمان
و إن شاء يعجبكم موضوعي 😆 idea:
القصة و ما فيها إنه في عيد الأضحى اللي فات فكرت و قلت لازم أسوي شي جديد و كلكم تعرفوا إنه عيد الأضحى مو مثل عيد الفطر و الأطفال يطفشوا أحياناً ،، و أنا من النوع اللي أحب استفيد من الخامات اللي موجودة عندي في البيت قد ما أقدر و دحين راح تشوفوا
بسم الله نبدأ…
أول شي أشتريت كرتون عصير
و هذا كرتون بسكوت
و هذا كرتون فش فاش (شيبس)
و الأهم من هذا كله إنه عندنا في البيت لما نشتري وجبة سريعة (برجر) أختي الصغيرة كانت تجمع العلب حقته و ما كانت ترميهم و اتجمعت عندنا في البيت و سوت زحمة و من هنا جاتني فكرة إنه أسوي وجبات للأطفال 😆 🙄
كان أصعب جزء هو إنه نشتري حاجات تتناسب مع حجم العلبة و الحمد لله لقينا
🙁
هنا أختي أصرت تساعدني و قلت لها تكتب عبارات على العلب من بره 
و هذه هي العلب في الأخير
و بس
ما يحتاج أقولكم إنه الصغار أنبسطوا من هذه الحركة كثير و حتى الكبار 😈
و إنتوا كمان حاولوا قد ما تقدروا إنكم تستفيدوا من الإمكانيات اللي موجودة في البيت و تستخدموا خيالكم و راح توصلوا لنتايج مذهلة
أنا كدا خلصت و بصراحة هذه أول مرة أنزل فيها موضوع زي كده و أنا عندي أعمال ثانية كثير بس هذه هي البداية
أتمنى لكم التوفيق
مع السلامة
