توفي طفلي أثناء الولادة…ادعو لي بالعوض

الحمد لله
اللهم اجرني في مصيبتي و اخلفني خيرا منها
جاني الطلق ونزلت مني مويه كثير من اول يوم لي بالتاسع…يوم8رمضان..الساعة1الظهر
فرحت….. و قلت….الحمد لله ما راح أتعب من الإنتظار
قرأت أذكار الولادة و شغلت مسجل سورة البقرة و شربت موية زمزم خاتمة فيها القرآن.. و ما كنت خايفة أبدا
رحت المستشفى الساعة4العصر و ما قلت لأحد بس أنا و زوجي…قلت ابغي أسويها مفاجأة لأهلي!!!
كشفت علي الطبيبة المناوبة قالت منفتح2سم و سوت لي سونار و حطوا جهاز تخطيط القلب و كان كل شي سليم!!!!
مرت الساعات بسرعة لدرجة اني ماحسيت بالطلق الصناعي و ما حسيت اني ظليت أطلق يوم كامل إلى أن انفتح الرحم ل10سم
وطبعا في هالأثناء أهلي يتصلون جوالي مقفل و زوجي يرد ويقول نايمة
ظليت ساعة و نص أدفع و ما في فايدة
قالت الطبيبة كأن فيه شيه مانع نزول الجنين و شكلنا بنضطر للعملية القيصرية
قمت أترجاها ما أبي عملية..قولي لي ايش اسوي و اسويه بس ما ابي عملية( لأني مجربة العملية بولادتي الأولى و مرة تعبت)
المهم بعد كذا ودوني لغرفة العمليات …أفقت من البنج…أبغي احد يوريني طفل..ابغي اشوف احد يبتسم…الأطباء؟؟زوجي..أهلي كلهم ساكتين..و أنا من التعب ما كنت قادرة اتكلم..بعد ساعات وانا نايمة في العناية سمع امي تقول لأخوي:دفنتوه؟؟؟…………
تأكدت انه مات…طيب و الحركة اللي احسها في بطني الآن و صوت الطفل اللي يبكي و كل شوي جلّـسني من النوم!!!!!!!!!!…كلها تخيلات!!!!!!!!
عرفت بعدها اني ظليت بغرفة العمليات4ساعات أنزف ، و انهم حطوا لي9أكياس دم …والجنين التف الحبل السري حول رقبته و انخنق ومات.
الحمد لله…شفت صورته بجوال زوجي…جميل و ابيض و طويل جدا
و الآن لازلت اعاني من بقايا النزيف في بطني… و الأعظم ..الألم اللي بقلبي لأني ما شفت جنيني قبل لا يدفنونه لدرجه انه جتني حالة هستيرية ابغي اروح ازوره في المقبرة!!!!!!!!!
و اكثر شي أثر فيني ولدي اللي يسأل عن أخوه وينه؟ و إلى الآن إذا شافني أتألم من بطني( من النزيف) يقول : في دادا؟
تخيلوا مرة شفت ولدي يبكي لوحدهز قلت له: شفيك؟ قال: أخوي مات!!!!
ابغي اكون صابره و ما ابكي بس ما اقدر
قولوا لي شسوي؟؟؟؟
طيب الميت يترحمو عليه ….. ولدي شسوي له ؟؟؟؟ ابغي يوصل له مني شي …ابغيه يعرف اني احبه و اني كنت انتظره بشوق و اني حاولت اولده سليم بس امر الله كان غالب.
انا الآن ببدأ صيام القضاء اللي علي
ادعو لي الله يشفيني و يعوضني خير و يجمعني بطفلي في الجنة
آسفة نكدت عليكم بقصتي بس كنت ودي أفضفض