توك صغيره ,,وبتديتي تحبين

بدري عليك العشق يابنت هالحيـن
حرام هذا القلب وشهـو مصيـره

انتي بريئه في الهوى ليه تشقيـن؟
صدماتـه لقلبـك تراهـا خطيـره

عيشي الطفولة واتركي الحب بعدين
وادروبه طـوال عليـك وعسيـره

الشوق يفضح لاانكشف داخل العين
وانتي بنفسـك ماهقيتـك بصيـره

إن كان قصـدك بالمحبـة تسليـن
بالعكس بتشوفيـن هـمّ وحيـره

الحب قبلـك هـز نـاس كثيريـن
خلاّ القلوب تعيش خـوف وغيـره

طيعي كلامي واحـذري لاتماديـن
تراجعي لعـل فـي الأمـر خيـره