ثااني روايه انزلهاآآ رواايه جوناااآآآآآآآآآآآآن لاتفوتكم ..!كيوتااات

& بدأت الدراسة .. وكملت غيداء دراستها بأول جامعه .. ورولا ثالث ثانوي وربا بأول متوسط .. وفارس كمل دراسته بالسعودية بأول جامعه لأن الدراسة بالخارج ضاعت عليه ..

& عبدالله وتركي كملت سعادتهم بزواجهم وجمعت أهلهم ..

& مشاري أضاف موظفين جدد لشركته وجعل كل موظف يعمل على فتره وحده إما صباحي وإما مسائي إلا عمر رفض وأصر أنه يعمل على فترتين .. لأن العمل سلوته الوحيدة ..

& سليمان سافر مع غادة لألمانيا لعلاج إعاقة غادة وكان البرنامج العلاجي لمدة سنتين إحتمال تزيد أو تقل على حسب إستجابة المريض ..

.. تــــــمـــــــــت .. والله الموفق ..

أمــــــــــــــزح .. ^_^ ..

بــــــعــــــــــــد سنتين ونصف ..

………………

فارس ينادي : مشعل ..

مشعل ألتفت وشافه : هلا والله فروس ..

فارس : هلا بالمعرس ..

صد لرولا : هلا والله بالغالية .. كيف حالك ؟؟

رولا : الله يسلمك .. أنا بخير ولله الحمد ..

فارس بمزح : نهون عليك !! تروحين وتتركينا .. صراحة لك فقده ..

رولا : هههههه .. بشوف غلاي ..

مشعل : أحم أحم .. ترى فيه أحد هنا ..

فارس : صدق والله !! ما عرف هههههههه .. بشرني عنك أحوالك ؟؟ بشرني عن العرس حلو ولا لاء .. تنصحنى فيه ولا نصبر ؟؟

مشعل : هههههه أنت تعرف رأيي من زمان ..

فارس : يقولون لا تسأل العريس أسبوع عرسه وسأله لا حال عليه الحول .. وأنا أفكر أصير مثل عمر أخوك ..

مشعل : وش علي أنا !! أنت الخسران ..

فارس : يالله نروح للسيارة .. الكل مجتمع ينتظر حظرة العريس والعروس ..

مشعل : والنــــــعـــــــم ..

……………. في بيت أبو عمر ..

أحمد : سلاااااام .. عيب .. هذا حق حمودي ..

سلام : لا .. هذا حق ثلامي ..

سامي : حمودي .. خذ حقك منها ..

محمد واقف بكل براءة ويناظر سلام ألي مآخذه لعبته ..

تركي : يالغبي تراك أنت الولد وهي البنت ..

نواف : هههههههه لأول مرة بحياتي أشوف بنت تتسلط على ولد ..

سامي : أيه ولدي مربيه على الطيب .. مب هالبنت ألي مربيه على الشر ..

أحمد : وش قصدك !! هاااه !!

سامي : هههههه ولا شي ..

مشاري : تعال حمودي ..

ابتسم محمد أبتسامة طفولية وراح لمشاري ..

مشاري : يااااا هلااا ..

جت سلام تركض لمشاري

سلام : لا أنا .. (بس مشاري أخذ حمودي وتركها وصارت تصيح )

مشاري : أحمد بنتك مدلعة نفسها بزيادة ..

أحمد : يحق لها من هو أبوها ..

عمر : عبدالله .. وين نوره !! ليش ما تجيبها حتى نشوفها ؟؟

عبدالله : بنتي تستحي ما تجي عند الرجال .. مب مثل هالبنت ..

أحمد : وش فيكم على بنتي من اليوم تسبونها !!

تركي : أحسن .. شف ولد أخوي لما تقرب منه يستسلم ..

أحمد : وش دخلك هذا ولدك ولا ولد أخوك !!

تركي : أنا عمه وشلون وش دخلي !! بعدين بكرا يجي ولدي وتقوم عليه هو الثاني ..

أحمد : إذا جاء ولدك يصير خير ..

قام عبدالله وأخذ سلام وراح فيها لغيداء وأخذ بنته نوره وجابها لأبوه وعمانه ..

أبو عمر : ما شاااء الله .. هذي بنتك يا عبدالله ما شاء الله .. تغيرت وكبرت الله يصلحها ..

عبدالله : آآآآمين ..

ثم أخذها أبو سامي : لا إله إلا الله ما شاء الله .. الله يصلحها ويهديها ..

أبو عمر : وأنت يا تركي ما ولدت زوجتك للحين !!

تركي : وييييينك يا عم باقي ثلاث شهور على ولادتها ..

أبو عمر : ما شاء الله .. الله يرزقك الذرية الطيبة ..

سليمان : عبدالله ..

عبدالله : سم يبه ..

سليمان : عطني نوره ..

راح عبدالله وأخذ نوره الصغيرة من خاله أبو فهد وأعطاها لأبوه ..

أبو عمر : ما شاء الله يا سليمان أحفادك كلهم بنات ..

مشاري : أحــــفــــادك .. ترا كلهم بنتين .. سلام ونوره

أحمد : بنتي أنا عن عشر بنات ..

سامي : أنت بنتك عن عشر أولاد ..

أحمد : رجعنا للسب ..

عمر : أنت ألي سببت لروحك السب كان ما جبت طاري بنتك ..

رن جوال عبدالله ..

عبدالله : هلا فارس ..

فارس : هلا بك .. ترانا قريب وناصل ..

عبدالله : زين مع السلامه …

عبدالله يكلم ألي حوله : وصل العريس ..

أبو عمر : عمر خلهم يقدمون قهوة العريس .. وقل للحريم أن العروس وصلت ..

عمر وهو يقوم : سم يبه ..

في المطبخ ..

عمر : مشعل وصل مع زوجته ..

بشرى : غريبه ما شفت رولا ..

عمر : قصدي بياصلون بعد شوي ..

نهال : مو أنت ألي أستقبلتهم بالمطار ..

عمر : لا راح فارس يستقبلهم عشانه أخوها ..

عمر : المهم .. أعطونا قهوة جديدة .. وخلوكم جاهزين لاستقبال العروس ..

بشرى : القهوة جاهزة .. وحنا جاهزين ..

عمر أخذ القهوة وطلع ..

نهال : تصدقين بشرى أمنيتي عمر يتزوج ..

بشرى : حتى أنا ..

نهال : بصراحه مشعل ألي كل يوم يصيح فوق راس أبوي ويقول له أبتزوج , ما تحمست لزواجه .. بس عمر أحس أنه يخفي شي أكيد هو يرفض لسبب ..

بشرى : كثير من الشباب يرفضون الزواج .. مو بس هو ..

نهال بإبتسامة ماكرة : بــــشـــــــرى .. وش قال نواف لما عرف أنك حامل !

بشرى : وش دخلك !! أقول وش شعورك لما قالت لك أمك أنك مخطوبة ؟؟

نهال : أيه بشرى نسينا نقول لأمي أن مشعل ورولا بياصلون بعد شوي ..

بشرى : ههههههههههههههههه .. بتضيعين السالفة .. بس أنا وراك وراك ..

وصل العريس مشعل وزوجته رولا ..

دخل مشعل على الرجال .. راح وسلم على أبوه وعلى الرجال الكبارين ثم راح وسلم على الشباب ..

عند النساء ..

دخلت رولا وجت لها غادة وكانت تمشي بهدوء لأنه صعب عليها الركض .. ضمته .. وأخذت منها عباتها وعدلت مكياجها وشعرها بسرعه .. ثم دخلت معها لمجلس النساء ..

قاموا الحريم وسلموا عليها ..

وبعد ما جلسوا ..

غيداء تكلم رولا بهمس : حلو شهر العسل ؟؟

رولا أبتسمت : ليته ينعاد ..

غادة ألي سمعتهن : عاد لا تصيرين طماعة ..

غيداء : بسم الله كيف سمعتينا !!

غاده : أحساسي خبرني ..

قدمت لهم غادة القهوة .. ونهال قدمت الحلويات .. وبعد كذا أجلسوا للسواليف ..

ناديه : صادقه !!

غيداء : ما شاء الله مبروووك ..

ندى : الله يوفقك ..

نهال وهي مستحيه : الله يبارك فيكم ويجزاكم خير ..

غاده : بشرى أحس أن نهال بتقوم عليك ضرب عشان علمتينا بخطبته ..

بشرى : ما تقدر علي ..

نهال : من قاله ؟؟

ربا : بس عاد بدأ الموال اليومي للهواش ..

غادة : هههههههههه .. وربا أخذت دور الإصلاح ..

ساره من بعيد : نهال .. قولي لعمر يجيب حمودي من عند الرجال ..

نهال : ليش ما تقولين لزوجك المصون سامي !!

بشرى : لا تسبين أخوي ..

نهال : ما سبيته ..

غادة : لا نهال عروستنا بندلعها شوي .. بقول لفارس وإلا مشاري يجيبه لنا ..

نهال : يا بعد الدنيا يا غادة ..

جت لهم تهاني ..

تهاني : كيف حالها زوجة أخوي ..

رولا أبتسمت بخجل : الحمد لله ..

غيداء : رولا إذا كان مشعل أزعجك بشي قولي لتهاني لا تستحين خليها تأدبه ..

تهاني : هيه أنتي لا تحرضين زوجة أخوي عليه ..

غيداء : وش عليك أختي وأنصحها ..

تهاني : أنصحيها بس لا تخربينها علينا ..

سارة : ههههههههه تهاني أشوفك مآخذه الموضوع بجد ..

تهاني : لا أمزح معهم بس مأدية دوري تمام ..

بشرى : هههههههه ما فقدتوا شي !!

ربا : وش تقصدين !!

بشرى : بالعادة نهال تقول المتزوجات يتركننا لوحدنا .. بس لما خطبت ما تكلمت ..

نهال : أنتي وش مسلطك اليوم علي !!

في نهاية الإجتماع ..

طلع مشعل مع زوجته لجناحهم الخاص لأنهم كانوا تعبانين من السفر والبقية بعد راحوا لبيوتهم ..

مشاري أتصل على ناديه وقال لها تتجهز لأنهم بيروحون بيتهم ..

طلع للشارع شاف عمر واقف عند سيارته .. راح لمه ..

مشاري : عمر ..

عمر : هلااا ..

مشاري : أبي أكلمك بموضوع ..

عمر : تفضل ..

مشاري : خل نركب السيارة ..

ركبوا السيارة ..

مشاري : عمر .. للحين أنت تبي غادة !!

عمر تفاجأ من سؤاله .. تنفس بعمق ..

عمر : ليش تسأل !!

مشاري نزل راسه : بصراحه اليوم جاء واحد وخطبها مني .. وأنا للحين ما كلمت أبوي بالموضوع .. بصراحه الخاطب صاحب خلق ودين .. لكن إذا كنت للحين تبيها .. فأنا أفضلك عليه ..

عمر نزل راسه وجاوب بعد صمت : إذا هو صاحب خلق ودين ليش ترفضه ؟؟

مشاري : وأنت !!

عمر : أنا مالي دخل في الموضوع .. سبق خطبت ولا حصل نصيب .. هو أولى مني ..

مشاري : يعني ما تبيها !!

عمر صد للجهة الثانية ولا جاوب ..

رن جوال مشاري وكانت ناديه عرف أنها جاهزة ..

فتح الباب وكان بينزل لكنه قال ..

مشاري : عمر فكر .. ورد علي قبل بكره العصر .. وإذا ما رديت راح أضطر أني أقول لأبوي .. لأني ما أقدر أأخر الرجال لازم أكلم أبوي بالموضوع ..