ثقتي بنفسي تحت الصفر

كيفكم اخواتي ان شاء الله كلكم طيبين

انا يابنات ثقتي بنفسي صارت تحت الصفر منعدمه خلاص
وصلت لعمر 30
ولو تصدقوني اقولكم اني ماانطلب.. ولا مره احد طلبني للزواج بالمره
يعني وحده عمرها 30 ماقد انخطبت ابد
دخلت مواقع الزواج وحصلت رجل مناسب جدا لي وتقدم لخطبتي وكان رجل متدين
وجو اهله وشافوني والمصيبه انهم بعد ماطلعو ارسلي انه يعتذر مني ويتمنالي التوفيق
انا ماني حلوه ولا فيه شي يميزني ابد
خواتي الي اصغر مني كلهم تزوجو واخر خواتي عمرها 20 سنه كانت ملكتها قبل ايام
صرت اشك في نفسي ليش خواتي ينخطبون وانا لا … في بنات بعائلتي تزوجو وتطلقوا وانخطبو وتزوجو مره ثانيه
مافيه احد غيري الي ماتزوجت كل البنات الي اصغر مني تزوجو خلاص في بيوت ازواجهم
ادري ان الزواج قسمه ونصيب بس انا ماانخطب ابد ابد لو يجوني خطاب ومايكتب الله نصيب اهون علي
تعبت خلاص متحطمه صرت احس اني مو انثى ثقتي بنفسي انعدمت احس اني مااتساهل الزواج ولا اعرف اتعامل مع الزوج واحس اني مو محبوبه وعدم زواجي نعمه للرجال
صرت احس ان ماحد يتقدملي الا واحد فيه عيوب مو لاقي وحده ترضى فيه

ابي افضفض لكم بس تكفون ادعولي ربي يرزقني بالزوج الصالح لاتنسوني