جاتني الدوره الشهريه ورغم هذا شاكه اني حامل…………..!!!!

السلام عليكم ورحمة الله وبركاته
حابه استشيركم واسالكم بس حابه اطمن الله يطمنكم

انا دورتي الشهريه كل شهر تتاخر 3 ايام عن موعدها يعني قبل كم شهر كاتنت تجيني يوم 9 والي بعدو جات 12 والي بعدو جات 15 وهالشهر حسبت انو ممكن تجيني يوم 18
وقررت انزل انا وزوجي ناخذ عمره وبعدهها ننزل علي جده وتعرفو الطواف والسعي وتعبو هاذا الكلام كان يوم 13 وكان اربعاء
علي فكره وربي دعيتلكم عند الكعبه يا فراشات انتو وبنات منتدى تاني وكل المتاخرين بالحمل ياربي انك تستجيب انو يرزقنا الذريه الصالحه وربي من كل قلبي
المهم الي حصل تعرفون عاد جده واسواقها وفرفتنا احنا يالحريم فيها ورجعنا الجمعه بالليل واكتشفت عالساعه 11 باليل يعني ليله السبت يعني قبل موعدها المفترض بي 3 ايام نزول الدوره وكانت غزيره يعني زي بدايه الدوره ماتكون
وبعد مرور يوم كامل لاحظت انو الدوره صارت مره خفيفه واحيانا انام واقوم من غير مالاقي شي الله يكرمكم مع انو كانت لها يومين يعني معقوله تخف من بعد يوم واحد
وغير انها اتقدمت عن موعدها المعتاد والدم الغزير نزل بس يوم واحد وبعدها صار خفيف ومتقطع واحيانا مافي شي
ادري انها دوره شهريه بس انا اخذ حبوب كروتيزون بسبب ارتفاع هرمون fsh واعرف انو مضر جدا للحامل وخايفه يكون حمل والدم هذا دم نزيف لانو من علامات الحمل نزول نقاط خفيفه من الدم وانا كانت غزيره بس يوم واحد والباقي
متقطع وكمان قبل ماتنزل بيوم حصل جماع واخاف اجهاد السفر والجماع يكونو سببو اجهاض مو حمل
علما مااحس بي الامها غير قبل مو عد نزولها بي اسبوعين جاتني الالام خفيفه بجنبي الايمن واسفل بطني وقبل موعد الدوره بكم يوم اختفت
وانا كنت من قبلها اراقب التبويض عن طريق الافرزات وكنت حريصه انو يحصل جماع بموعد التبويض المفترض
ولي اسبوعين كل مااكل شي احس بغثيان فظيع بس حاولت مع اعطي الموضوع اهميه لانو فسرته انو وهم
الحين اليوم ثالث يوم من موعد الدوره والدم شبه منقطع
مين تعرف وحده مثل حالتي وطلع الي معاها حمل مو دوره؟؟؟