عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
وكل عام وانتم بخير
خواتي جارتي بتهبلني بتجنني لحقوني
اول شي تتعمد تجيب سيرة زوجي وما تتكلم بأدب اول شي بدات لما طلعت فتوة ارضاع الكبير قالت لي انا عندي اقتراح وش رايك ارضع زوجك عشان يصير يجي عندنا عادي واجلس انا وهو سوا انا انصدمت 😆 بس قلت اكيددددددد تمزح
وبعدها بكم يوم زوجي كان رايح للصلاه واعطيته حلا ينزله لهم وقلت له حطه على الباب وانا اتصل عليها واقولها افتحي الباب واتصلت وقالت لي لا انا فتحت الباب واخذته من زوجك وسلمنا على بعض قلت لها والله طيب زين 
طبعا زوجها كان خارج للصلاه واخذ الحلا من زوجي
طيب بعدها دقت علي الظهر والله يا حريم هي من النوع الكتومه الي ما طلع سر وفجاءه انفجرت علي على التلفون 💡
وتقول لي عن خيانة زوجها انا انصدمت زوجها يصلي الفجر بالمسجد ويصوم الاثنين والخميس واخر رمضان يقضي بالحرم مو معقول قلت لها وجلست تحكي لي عنه بصراحه صدمتني وقالت لي اساسا انتي زوجك كمان يخونك قلت لها لا مستحيل قالت بعصبيه لا تقولي مستحيل قلت لها انا عندي باسورد ايميله والفيس بوك وجواله بيدي طول الوقت والحمد لله ومشاء الله زوجي ما يخرج من البيت لا تخليني اشك فيه لما سمعت ردي قالت طيب وش راي زوجك بكلامنا قلت لها زوجي مو هنا خارج وانا اسااسا ما اقوله على سواليف الحريم قالت زين باي
وتتعمد لما زوجي يدق على زوجها تكلم زوجها وتطلع صوتها بالجوال وتجلس تضحك زوجها ؟؟؟ 😥
وبعدها سحبت علي كان عند بنوتي تصوير اشعه قلبيه قبل اسبوع والاخبار ما كانت طيبه بس الحمد لله وزوجها عرف وما اتصلة ولا تطمنة ولا شي واول يوم رمضان ارسلة لهم صحن اكل وقت الاذن دائما نرسل لبعض دقت علي وقت الترويح وقالت لاعاد ترسلي ما اكلنا رمينا زوجي عامل رجيم وانا ما احب هذه الاكل
وقلت لزوجي قال مستحيل لان زوجها تشكره وقاله مشاء الله طعمها لذيذ
والله صدمتني وكنت راح ابكي لانه وضع بنتي لحاله تعبني قلت لها طيب خلاص وبقول لها عن وضع بنتي وانا جالسه اتكلم قالت طيب مع السلامه وقفلت الخط
بالله وش تبغى ونسيت اقول لكم شي قبل اسبوعين تقريبا زارتني وحده من صديقاتي ودقيت عليها قلت لها تعالي وجات بس تستفزني ولدها الله يحميه شقي وما يترك شي الا ويلعب في وما تكلمه وولدي ضرب بنتها والله ضربته من قلبي بعدها ولدها ضرب ولدي على صدره يا قلبي عليه ولدي صار لونه ازرق من قوة الضربه وجات عيني في عينها وهي ولا على بالها اوووووووووووه لمتى راح اتحملها لو اجلس اكتب عنها ماراح يكفيني المنتدى بكبره
اللهم اني صائم ياررب سامحني بس خلاص همي يكفيني همي يكفيني مو ناقصني تيجي هذي تنكد علي قولولي وش الحل اقول بقطعها وباختصرها زوجي يقول لي حررام وش الحل ؟؟؟؟؟
