جبت العيد مع زوجي ساعدوني يابنااات

ابي وحده سنعه تعلمني كيف اصلح الامور بعد ماجبت العيد مع زرجي

السالفه ومافيها ان زوجي قبل فتره قعد يمزح وزي مايقولون مزحه بزرحه < مشوها لو المثل غلط 😉

كان يقول لي ولامه انه بيساف برا السعوديه وماهو ماخذني وقال والله لو اروح اني ماني مخليك حتى تشكين ماراح ابين قلت له سوها والموضوع فيها زعل

ومشت السلفه على انها مزحه بتقولون ليه مهتمه بموضوع السفر لانه من فتره وهو يوعدني نسافر مع بعض ومستحيل يسوي زي الشباب ويتركني ويروح

يوم نزلت مكرمه الملك الله يطول بعمره

جيت حبيت راسه وطلبته يسدد المخالفات الي عليه لانها كثيره فوق 10 الاف قلت له سددها وخلينا نسافر

قال لااااا ابد ماني مضيعها بالمخالفات وماتهمني ابد

المشكله في ان الكلام هذا امس واللي صار اني ركبت اليوم مع اخوه الصغير وقالي مبرووك

زوجك سدد المخالفات اللي عليه قلت له لا ماسددها قال الا والله من اسبوعين وهو مسددها

يعني مخبي علي المده كلها وانا حبيت راسه وطلبته وهو كان مسددها بس كذب علي وقالي ماني مسددها

يعني ليه بيخبي موضوع زي كذا الا انه ناوي يسافر من وراي ولا كان فرح قلبي ومااستخف فيني يوم طلبته وقالي سددتها صح؟

طيب انقهرت وقعدت اصيح وقلت اول شي بساله اتاكد

دقيت عليه وصوتي فيه بحه بكاء وقلت له صح انت بتسافر برا

اول شي سالني من قالك هذا الكلام

ماانكر ابدااااا
قلت واناا ابكي طيب قولي صح ولالا بعد ماطفشني تحقيق قالي لا مو صح

ولو بسافر ماسالت فيك ولا اخذت اذنك سافرت وعصب علي مره

قالي انا اسافر واغترب وانتي تشككين فيني ومانتي واثقه فيني

قلت له انا مااتهمتك بس سالتك وصوتي كان رايح فيها من البكاء

قعد يصارخ علي وقالي والله لو قلتي هذي الكلمه مره ثانيه (قصده بتسافر ) اني لا اسويها انا حلفت

وقعد يملح ان اهلي لهم دخل قال من عبا راسك علي امس بالجوال مافيك شي

وقالي انتي اخلعتيني صوتك كان فيه شي كبير صاير مو موضوع سفر

وقالي الجواب لا ماني مسافر وزل لسانه انه سدد مخالفاته

وبعدين انكر وقعد يقولي جننتيني ولعبتي باعصابي وخليتيني افور

وقالي اذا رجعت من السفر اعرف اتفاهم معك 😡

ياربي مره مره جبت العيد

وانا متاكده من موضوع تسديده للمخالفات بس السفر هو نفاه طيب ليه مخبي عني الموضوع من اصله

شوي اقول معي حق وشوي اتردد