عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا يا احلى فراشات 😀
الله يبلغنا واياكم شهر رمضان بالخير والعافيه ويجعلنا ممن يقومه ايمانا واحتسابا..ونكون ممن غفرالله ذنبهم وتقبل اعمالهم…
طبعا انتم عارفين سفر رمضان العامره ماتخلى من الحلويات اللي غالبا تكون مقليه ومشبعه زيوت وبعدها نكمل الباقي و نغرقها بالشيره مثل اللقيمات والجبنيه وغيرها ومانراعي المعده الخاليه.. ونصاب بالخمول بعدها ومانقدر حتى نصلي التراويح من الثقل ,…
وان كنا مانستغني عن هالحلويات الدسمه 😆 hy:
لكن لازم نقلل قدر المستطاع ونعملها مره بالاسبوع ونكتفي بباقي الايام بالحلويات المفيده والمغذيه والخفيفه بنفس الوقت …
ومنها هالحلى (((الشعيريه الباكستانيه بالجبنه والحليب)) وعلى فكره هو معتمد باسرتنا من اكثر من 10 سنوات
ولما قرب رمضان عملته امس مخصوص لكم وبالصور التفصيليه عشان تستفيدوا منه …
ومابي منكم الا الدعـــــــــاء لي بالذريه الصالحه وكل محروم والتوفيق بالدارين ولكم بالمثل ان شاءالله
يالله نبدا المقادير :
1شعيريه باكستانيه وافضل نوع مهران هذي صورتها من النت 
كاس حليب بودر
كاس زيت ويفضل دوار الشمس
2بيضه كبار واذا الحجم صغير 3
ملعقه كبيره بكنج بودر+ فانيليا او قطرات من الخل
6جبنه مثلثات<<< ولو تزيدي يكون افضل انا احط العلبه كلها 8مثلثات تكون نكهتها الذ
ومن الممكن استبداله بجبن كيري حسب الرغبه …بس انا ماحب نكهة الكيري وافضل المثلثات والناس اذواق
كاس سكر وممكن تزيدوه على حسب الرغبه اذا تحبوه حلو اكثر
كاس ماء
كل المقادير نخلطها بالخلاط جيدا ..
عدا الشعيريه طبعا..نكسرها بشكل ناعم باليد ونضعها بصينيه بايركس ((الحجم الكبير)) ونسكب الخليط عليها
دمتم بخير انتم ومن تحبون …
