عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي العزيزات والله اني في هم كبير ولدي صاير عمره 5 سنوات وللان ماحملت
ومن فتره كان عندي هرمون الحليب عالي وفضلت على العلاج شهور كتيره وتعب وهم وطفش
والحمدلله بعد عناء نزل وصار تمام
والدكتوره ااعطتني بعد دورتي برمضان كلوميد من 3 الدوره والابره التفجيريه
اخدتها بعد مشااااااااااااااااااكل مع زووجي لانو كان موعدها بليلة العيد تتخيلو حتى العيد اتقلب معاي لمشاكل وخصام واخر نكد ❗ 🙁 لانو على كلامو مو وقتو الناس بعيد ولا بمستشفى حتى لدرجة انو تتخيلو الابره التفجيريه من كتر دعاويه عليه 6 صيدليات لفينها لف ومالقينها الا بعد طلعة الروح …
انا دحينه هادي الفتره اكل حبوب دفاستون وباقي خمسة ايام واخلصها ومرررررررره خاااااااااااااااااايفه انو مايصير حمل هادا الشهر لدرجه ماتتصورووها يمكن تشوفو الموضوع عادي لكن لي مو عااادي
لانو لمن تعالجت دحينه وصرت تمام وبأنتظار الحمل لو ماحملت هادا الشهر الشهر الي بعد 11 صعب افكر احمل فيلو لانو زواااج اخويه الووووحيد بداية شعبان السنه الجايه وماحيمدي احضرو
وجداااااااااا صعب ماحضرو لاننو احنا عايله الله اعلم بحالها عمرها ماذاقت وجربت طعم الافراح والسعاده
يعني عشان كده اتمنى ربي يرزقني بالحمل بشهرهادا شوال
والله يرزقني واياكم بالحمل السليم الثابت ويفرح قولبنا
الله يخليكم ادعوووووووولي وماتنسوني
