عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اليوم بانزل لكم طريقة رز خيالية وسهللللة تنفع لما تكوني متكاسلة واللي بتتعلم للطبخ وترا يبيض الوجه لو عمدك عزومة اذا شفت ردود كثير وتشجيع حانزل صور لما اطبقو المرة الجاية بس الصراحة حبيت تشاركوني بطعمو لانه يستحق 5 نجمات وبقوة 
المقادير
حبة دجاجة مقطعة ارباع
هيل تقريبا 7 حبات
عود قرفة
حبة ليمون اسود
ملح
تقريبا كوبين ونص رز بسمتي ابيض انا افضل العائلة
نسلق الدجاجة في قدر مع البهارات ونملح المرقة ونحتفظ فيها
خدي تقريبا ننص كاسة منها خليها على جنب لاننا بنحتاجها
وباقي المرقة اسلقي الرز فيها ثلاث ارباع سلق
حبتين بصل وسط مقطعة جوانح
ملعقة اكل سكر بهارات مشكلة
حبة ماجي
ناخذ قدر فيه زيت ونحط معاه البصل ونقلبو لحد مايصير لونو ذهبي بعدها نضيف ملعقة السكر ونقلبها مع البصل بعدها خدي الدجاجة المسلوقة وحطيها مع البصل و قلبيه كويس ضيفي البهارات المشكلة تقريبا ملعقة اكل مليانة والماجي وقلبي المقادير كلها مع بعض خدي من مويه سلق الدجاج تقريبا نص كاسة و خليها تغلي شوي مع الدجاج والبصل يعني 5 دقايق
بعدها خدي الرز المسلوق وحطيه على الدجاج وخلي النار اقل شي وخليه لحد مايستوي الرز كامل تقريبا ربع ساعة
بعدها يكون الرز جاهز
طريقة تقديمو اقلبي القدر في صحن التقديم بحيث يكون الرز تحت وخلطت البصل والدجاج فوق الارز
بناااااااااااااااااااااااات جربوووووووووه بتدعولي خطييييييييييييييير
الله يجزاها كل خير صحبتي اللي اعطتني طريقتو
والله لو تذوقوه ماتذوقو طعم السكر حتى اللي حوالينكم لو ماتقولولهم مايعرفو
