جروحي تنزف احزاني .. جزء بسيط من معاناتي ..لا تتركوني

بعد الصبر والتردد الكثير قررت أروي لكم جزء من معاناتي
عسى الله يسخر لي ردود تريحني

أنا منفصلة عن زوجي من حوالي السنتين وأسكن عند أهلي مع أطفالي
وتعرفون بيت الأهل لما ترجع له المطلقة ما تكون بحريه مثل أول وخصوصا ان معي أطفال
وتسكن معنا زوجة اخوي .!
المشكلة ان جميع بنات العائلة تغيرت معاملتهم معاي والسبب إني تطلقت << لأنهم خافوا على ازواجهم مني .!!
والأشد من هذا زوجة اخوي ليه تغيرت علي ؟!!
واحنا نعامل زوجة الأخ مثل الأخت تماما ..؟ ويمكن أكثر .. وربي الكل يحسد زوجات اخواني على التعامل الراقي من طرفنا
لكن هي تغيرت ومعها زوجة اخوي الثاني ..
تخيلوا اذا اتصلت بجوالي ماترد ؟
واذا اتصلت بجوال امي ترد ؟؟؟؟
تجي للغسالة وفيها ملابس لعيالي وتفرغ موية الغسيل وترجع لشقتها ؟؟
ولما اطبخ تتعمد تحضر وقت الأكل فقط وتآآآكل حتى تشبع ؟؟ وتغسل يديها وتمشي
ولما كنت ساكنه بعيدة عنهم تجي هي وعيالها وتنام عندي كانها بيتها وأكثر من زود ماهي تلصق فيني وتتبع أخباري ..
لما تشوفني قدام الناس تتعمد تبوسني وتسلم علي بحرارة وهي معي بالبيت ماتتكلم واحيانا لما ادخل المطبخ اقول السلام عليكم ما ترد ..!!!

والحين جتنا الخدامة وتضااااااااااايقت مررررررررررة وجن جنونهااا ؟؟ ليه ما ادري ؟؟؟؟؟
وصارت تتكلم بالمجالس ياليت ماجتهم خدامه كان أحسن ؟؟؟؟؟؟؟؟

الغريب أن العائلة كلها تغيروا علي والسبب اكتشفته انها تتكلم فيني ؟؟

إذا شافت الناس يمدحوني تتضااااااااايق ؟
ومرة كنا حضرنا مهرجان نسائي وكانت معي ونضحك ونسولف ولما مرينا بجوار القسم الطبي كان فيه ميزان
فضحكت وقلت لها تعالي نشوف كم اوزانا
قالت يالله
لما وزنت قلت لها وزنك كذا .. ونزلت وجاء دوري ووزنت قلت لها كم ؟؟
قالت ماادري ؟؟؟؟؟؟ 😆
وكانت معنا وحدة واقفة قالت انتي وزنك كذا
وطلعت أكثر منها بثلاثة كيلووو بس .. ورب البيت ان وجههاا طلع اسود وقلبت علينااااااا وما ضحكت والى يومكم والسالفة بقلبها ؟؟؟؟؟؟

بعد كذا قررت اكمل دراستي انتساب ولما شافتني سجلت راحت وسجلت تبي تدرس معي 👿

الحين امتحانات وهي تنااااام وتترك عيالها يجون عندنا وطلع بيتنا كأنه استراااحه واخوي عاجبه الوضع
يمكن تقولون ليه ماتطلع في بيت وتفتكون منها ؟؟

يمكن ماتصدقون لو اقولكم ممكن في ظرف يومين اخوي يقدر يدبر لها بيت لكن هي ماتبي

والله العظيم اني الحين في بلااااااااء .. كبيييييير .. اشكيه لله .. ضيق وضغط بالتصرفات ومو ناقصة مشااااكل
ولدك فعل وولدك ترك ..
ابوهم راميهم معي من تطلقت الله لا يرده ولا يوفقه ..
ولما يخطون الكل يضرب والكل يربي
ولا يرضون ينقال لعيالهم شيء ؟؟ وامي ماتحرك شيء
تقووول اذكررررري الله واسكتي ؟؟؟؟؟؟؟؟ 😛

فكرررررت وفكرررررت
قلت بشتري لعيالي تلفزيون خاص فيهم بغرفتنا وافتك من الكلام
وشريت وجن جنونهم ؟؟ وش قصدهااااا

طليقي يتوعد ان تزوجت بياخذ عيالي مني ., ويتكلم هو واهله يقولون عني مسكيييييييينه ماراح تأخذ الا شاااااااايب ؟!!!! ” حسبي الله وكفـــــــى “

يمكن تقولون ليه ؟؟
كذا بس لاني قاهرتهم واحلووويت عن اول وهم بالعربي خايفين آخذ واحد أحسن من ولدهم
فيلعبون بحرب النفسيات
لكن الموضوع زادني قوة وكلامهم زادني اصرار آخذ واحد أحسن منه

بعدها قررت ادخل موقع زواج واشوف لكن لقيت هناك الوضع بيفتح لي ابواب انا في غنى عنهاا
وصرفت النظر عن الموقع وقلت ماعند الله خير وأبقى

الكل يحس اني مبسوووووطه مرتاااااااحه
وانا في الحقيقة راضيـــــــه .. لكن تـــــــعبت .!!!!!!
وربي بديت انهااااااااار ..
بالله غرفه 6×4 كل شيء فيها
اغراضي واغراض عياالي .. حتى ننام بالارض .. حتى سراير ما فيه من ضيق المكان ؟؟
وقلت بصبر أهم شيء الراحة النفسية ولو في خيمة

وحدة من قريباتي لها شهر كل ماشافتنا مجتمعين قالت يافلانه نسيت هديتك على التسريحه
وآخرتهاااا اعطتني ظرف تقول هديه لا تفتحينها إلا لما ارووح ؟؟؟؟؟
لما فتحتهااااااااا انصدمت
لقيت فيه 300 ريال 😎

لاتقولون هدية .. لان عمرها مااهدتني ؟؟؟؟؟؟
اليوم الثااني اخذت فلوسها ووزعتتها على بناتها 😛

قامت ورجعت كررت نفس الحركة في رمضان << تقصدها من زكاة مالها
اخذتها وارسلت لها رسالة جوال وكتبت فيها
ارسلت فلوسك لمن يستحقها .. انا الحمد الله لا احتاج صدقات
انا بخير .. وإذا أحب الله عبدا ابتلاااااه ..!!
واتمنى ما تتكرر الحركه لأنك غاليه عندي وماابي أخسررك ..؟!

بعدها كلت تبن وصارت لما تشوفني تطييير فيني وزاد احترامها لي وكبرت بعينها مررره ..

أما اخواني الكل مشغوول
ولما يودوني المستشفى حتى ما ينزلون معي
انزل واخذ عيالي واصرف العلاج بروووحي
احس بخووف ..وانكسااار ..!