عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صادفت شخص كان بقربي متمني
حاولت افهمه عشان يكون بحياتي متهني
صرت احتري جيته ومادري اني كنت بغيبته مستني
مرت الايام صار قاسي معي وحبه صار متعبني
حتى غلاه وحبي له صار مشككني فيه ومتهمني
اني ماابيه ومتوهقه فيه وصار علي متجني
انصدمت بوقتها انه كلامه كله كان فيه متعني
لملمت مابقى منى وبوقتها قلت له ابتعد عني
مادرى اني تعودت عليه وبوجوده بحياتي مسعدني
ولاتمنيت يجي يوم يرحل عن دنياي واخسره ويخسرني
حتى غيرته كنت استلذ فيها ومنه حيل تعجبني
لمن كنت ازعل عليه اقول فكه ماعاد ابيه حتى يكلمني
واليوم الثاني اتحرش فيه واقول تكفى عليك بس طمني
عطيته صدق احساسي وبالنهايه حط عينه على واحد ثاني
الله يجازيه بفعلته ويحط بدربه واحد اناني
يخليه طول وقته يون ويجيني خبره انه يعاني
وابيه يردد كل يوم الموت في بعدك ياجريح جاني
وابي جرحه مايبرى ومايقدر يعبر فيه غير بالاغاني
ولو جاني خبر موته اقول ترى هالخبر عنه ماكفاني
طلع شخص غريب له قلبين
يعشق ويحب على كيفه اثنين
وجاني يلعب معي على الحبلين
مادرى اني اصيده واعلمه درسين
اصول اللعب والخيانه بسطرين
مالقيتي غير على قلبي تلعبين
ولك قواه عين قدام عيني تخونين
وتقولي احبك وانتي بهالكمه تكذبين
مادريتي انها صارت تنباع بقرشين
الكل يقولها ويجهل احساسها زين
ترى اللي يعلب معي على الحبلين
دعت عليه امه ويكون مكانه تحت الرجلين
جاني يقول ترى انت شخص بلا احساس
سكت بوقتها وصار كل اللي بداخلي محتاس
ومن كلامه صار بسبته فيني وسواس وهوجاس
هوصادق معي ولايمزح اني شخص بلا احساس
مادرى انه هالبشر بهالدنيا الله خلقهم اجناس
اللي يخون واللي يالعلب واللي عديم الاحساس
واللي يصدق ويوفي ومايلقي نفسه غير منداس
وهالدنيا اللي متهني فيها اللي يعلب وبمعني اصح الانجاس
ونادر ماتلقي مثل احساسي اللي مثل لمعه الالماس
عيبي اني احب بكل مافيني وعطي بدون مقياس
لعنبوه ماحس فييني يوم اني اخترته مابين هالناس
وقدرته واغليته وداريته و حطيته فوق الراس
وصرت مااشوف غيره حتى لوشفت مزايين بالاعراس
كنت احتري جيته ويوم اسمع صوته كانه شارب الكاس
وبالنهايه خاين وشكوتي له واللي مثل امثاله لرب الناس
وكلمه اخيره يمكن تنفعك بهالدنيا وترفع قدرك بين الناس
اللا شعورك ياخلي لاتبيع وتشتري فيه قدام الناس
وتعلم من هالدنيا فيه حب يعز شانك ويرفع الراس
وفيه حب اللي مثل حبك تراه هالحب صار ينباع بالاكياس
باقي كلمه اخيره باقولها بس مولكي بقولها لكل الناس
اللي عجبه كل هالحكي تراه شخص مثلي عديم احساس
➡ 🙂 😆 🙂 😐 🙂
شي جديد علي مثل القصه تدور بمحور واحد عن الخيانه والحب والاحساس
هذه الثلاثه صعب بنظري تجتمع مع بعضبترك الراي لكم وبانتظار تواجدكم
اتمنى تنال اعجابكم
