عالم البنات النسائي كل ما يخص المرأة العربية من ازياء وجمال والحياة الزوجية والمطبخ
” وفــــــاء وبيـــعة ”
كلمات : فـهـد المـبـدل
الجديد في أوبريت السنه هذي انه الشاعر دخل عليه انشوده للأطفال عجبتني الفكره
أتركم مع الكلمات مره روعه
بسم الله بد البسلمه =
مبتدا كل سوره منزله
وسلم الله على من أرسله =
خاتم الأنبيا والمرسلين
ما ترك للعرب ما تجهله =
بين الشرع والدين اكمله
آيته محكمه ومفصله =
ما تنزل به الروح الأمين
نجتهد والمصالح مرسله =
أمة في الكتاب مفضله
المساوم أبد ما نقبله =
الله الرب والإسلام دين
كل عصر ترا له منزله =
آخره يستقيم بأوله
أحسن القول كله واكمله =
نحمد اللي جعلنا مسلمين
عزاها معزي ورجاله
رجلي جمال وخياله
بطل الوحده قاد ابطاله
أهل السنه وأهل السوره =
رايات العز المنصوره
لا اله إلا الله رايه
وحدتنا والدين الغايه
وصلوا بالعدل وبالآيه
وصلت رايات اخو نوره =
ما وصلت للحكم بثوره
ملة سمحا وامة وسطا
سنة وضحى أرض معطا
من سماه معزي ما اخطا
قام الملك البطل بدوره =
وجهود رجاله مشكوره
من سما نجد برق العز لاح =
حي برق من العارض يلوح
في قدومه هتف نور الصباح =
طابت الروح يا طب الجروح
فوق حد الأسنه والرماح =
موكب النور والشيخ الطموح
ماتلين وهود واستراح =
لين تم المغازي والفتوح
الولا عز والوحده فلاح =
والوطن جسم والامام روح
توج الشيخ تاريخ الكفاح =
من وقف دون حكم ما يروح
***
يحمد القوم السرا =
بان فجر ما كذب
كبر الشيخ وقرا =
بين زمزم والمحب
في رحاب ام القرى =
شاهد الأمن استتب
الوطن عز وذرا =
وشيخنا راس العرب
لون الغيم الثرا =
صارت الصحرا ذهب
يا وطنا وش ترا =
بيننا دين ونسب
الولا منك انقرا =
والغلا فيك انكتب
علم اللي ما درى =
عندنا تثنى الركب
***
الاصايل لها ساس وأصل =
مملكتنا السعوديه أصلها
من سعى في سبيل الله وصل =
من رقا وعرها روض سهلها
ما تمناه أبو تركي حصل =
تل شبه الجزيره من جهلها
غاب عبدالعزيز ولم يزل =
في حشا المملكه وقلوب أهلها
العهد من بطل إلى بطل =
والولا بيعة ربي كفلها
شالها سعود وسعود الأمل =
واصل الدرب وجهوده بذلها
وفيصل الحق زيزوم الدول =
لم بالملة السمحا دولها
وخالد الخير له قدر ومحل =
قايد الناس في صالح عملها
وأبو فيصل فهد قول وفعل =
اعتلى قمة المجد ونزلها
يوم لبى فهد داعي الأجل =
راية العز أبو متعب حملها
***
يا فهد ذكراك حيه =
والوفا باقي وواعد
تكرم الروح الزكيه =
لو تغيب ولو تباعد
ابشر بصحبة نبيه =
وبشر معزي المجاهد
قل له الدار محميه =
وشعب عبدالله معاهد
وبلغ سعود التحيه =
ومثلها لفيصل وخالد
السيوف الفيصليه =
خيرها بارق وراعد
***
يا ملكنا مبايعينك =
سامعينك طايعينك
في رضا الله ثم رضاك =
كلنا سمعك وعينك
شعبك وسلمك وحربك =
سيفك وقبضة يمينك
نسأل اللي عان أبو تركي =
يابو متعب يعينك
***
علومنا طابت =
وبارقنا هما
أرضنا سالت =
ونستنا الظما
أصلنا ثابت =
وفرعه في السما
***
للسما يا السعودي للسما
للوطن عز يا جندي الحما
فزعتك مالها حد وغما
يا عزيز الولا والانتما
***
(انشودة الأطفال)
بابا عبدالله بابا يا غالي =
ينصرك المولى ويحفظك الوالي
للوطن الغالي
اكتب يا قلمي =
رفرف يا علمي
رفرف في العالي
بابا عبدالله =
أملي بعد الله
حبك يا بلادي =
نبضي وانشادي
تسلم يا وطني =
يا شمس اعيادي
عشتي يا بلادي
انا السعودي.. والله وادعي من قلبي.. يا الله
تحفظ عبدالله
بابا عبدالله
أملي بعد الله
يشهد حاضرنا والأمس =
لاجينا سدينا الشمس
أهل الشيمه قدر وقيمه =
نملى الدنيا عزة نفس
أهل النخوه وأهل الفزعه =
والطيب ما يترك طبعه
ومملكتنا الإنسانية =
الطيبة فيها مجتمعه
حنا خدام البيتين =
أهل النخله والسيفين
أهل الدنيا وأهل الدين =
من فضل الله سعوديين
***
من فضل الله أنا سعودي =
هذي الأرض الحره حدودي
أرض أجدادي نبض فؤادي =
شمس الدنيا مسرى الهادي
هذا الوطن الغالي بلادي =
مصدر عزي سر وجودي
هذي الأرض الحره حدودي =
يا بلادي من علو إلى علو
ما يزعزع ثابت اركانك عدو =
ما يدنس طهرك بلادي غلو
حي وجه الخير.. حي الله جديده =
حب من الله لعبدالله يزيد
يا ملكنا فيك ما تكفي.. قصيده =
وما تغني الروح حي الله قصيد
قال أبو متعب لنا الجمله المفيده =
قال ما يغني وبين ما يفيد
الوطن في قلوبنا دين وعقيده =
من وقف دون السعوديه شهيد
والعمل يدني مرامينا البعيده =
والصبر ينبي عن الباس الشديد
يا وطنا لك علينا ما تريده =
لك علينا يا وطنا ما تريد
حنا هل الطوله.. تواتر علمنا =
ما همنا من ذمنا ما همنا
ما ضاقت صدور العتب من حملنا =
صدر السعوديه بحب.. ضمنا
حنا وهي ياللي تبينا دلنا =
في عيون عبدالله ترانا كلنا
الله عليها دارنا ما مثلها =
حنا لها حنا ملكها واهلها
حنا وهي.. ياللي تبينا دلنا =
في عيون عبدالله ترانا كلنا
في سمانا نزل القرآن =
ورف طير العز جنحانه
في وطنا قبلة الأوطان =
ما اجتمعنا الا علشانه
طالبينك يا عظيم الشان =
عز دار الشيخ واخوانه
عز أبو متعب عما العدوان =
سيف قصر الحكم وأركانه
الملك عبدالله كحيلان =
دوننا ما صك بيبانه
طاعته من طاعة الرحمان =
وقوته من قوة ايمانه
أبو خالد بارق الاحسان =
راعد يتلاه هتانه
كلنا عبدالله وسلطان =
والثنا لله سبحانه
يا بو متعب مسندي =
راعي الشجاعه
كلنا لك يا بعدي =
أهل وجماعه
يا بلادي عيدي =
في كل ساعه
تحت راية سيدي =
سمع وطاعه
